“Jeni viktimë e një skuthi që nuk pati kurajo të…”- Kadilli debaton me Berishën: Nuk folët kur Basha humbi dy herë resht! Ja si i përgjigjet ish-kryeministri





Ish-kandidati për kryetar të PD-së Fatbardh Kadilli, gjatë një debati televiziv i tha ish-kryeministrit Berisha se ishte viktimë e modelit që kishte krijuar për 30 vjet me radhë.

kadilli berisha

Kadilli u shpreh se Berisha nuk ka folur pas dy humbjeve resht të Bashës, ndërsa ish-kryeministri iu përgjigj se e kishte thënë atë që duhet të thoshte me dhjetëra herë.

Ish-kryeministri Berisha foli sot në emisionin “Opinion”, pak orë pas vendimit të Bashës për përjashtimin e tij nga grupi parlamentar demokrat.

PJESË NGA DEBATI

Berisha: Cilat kanë qenë qëndrimet ndaj Bashës unë ua shpjegova…Kam mbajtur qëndrimet që më ka takuar të mbaj. Sa i përket dorëheqjeve, për mua ligji i artë është “po humbe zgjedhjet jep dorëheqjen”.

Kadilli: Por nuk e thatë asnjëherë z.Berisha kur humbi zgjedhjet. Më vjen keq që duhet të ndërhyj…

Berisha: Realisht e kam thënë me dhjetëra herë.

Kadilli: Tre muaj para zgjedhjeve e thatë, por më mbrapa jo. Sot jeni viktime e një skuthi i cili nuk pati kurajo të flasë kur duhet të fliste. Unë kam dashur që ju të iknit vetë. Kryetari i partisë nuk duhet të fliste sot në mesnatë por për dy muaj me radhë. Sovraniteti i një partie me gjithë respekti nuk është vetëm kur nënshtrohet para një presioni ndërkombëtar, por edhe kur e nënshtron partinë tënde. Kjo parti është shndërruar ndaj asaj që quhet kryetarokraci. Ju jeni viktima e modelit që keni krijuar për 30 vjet. Prodhuar një zgjatim përtac. Ju jeni viktima e tij siç jemi të gjithë bashkë. Ju nuk reaguar me të njëjtën forcë kur zgjedhjet prodhuan të njëjtin kryeministër, të njëjtin kryetari partie në opozitë. Premtimi i z.Berisha ishte që do të fliste kur të shihte humbjen e dyte rresht të njëjtin kryeministër dhe kryetar partie, dy herë resht.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *