“Ju lutem mos i njihni talebanët”/ Gazetarja shpërthen në lot teksa i drejtohet shefit të NATO-s: Ka mijëra gra në Afganistan që…

Sekretari i Përgjithshëm i NATO-s, Jens Stoltenberg, mbajti një konferencë shtypi, por vëmendje e iu kushtua adresimit të Lailuma Sadid, një gazetare me origjinë afgane që punon për gazetën e Brukselit Morning Newspaper.

“Unë do të doja të bëja një pyetje në lidhje me rolin e NATO-s në Afganistan. NATO nuk është vetëm Amerika, a nuk mendoni se vendimi që keni marrë ju dhe NATO është i gabuar?” tha Sadid.

“Sa politika të tjera të dështuara do të ndjekin para se të gjendet një zgjidhje? Ne e kemi parë situatën. Sepse si një grua nga Afganistani … është e qartë se situata është shumë e vështirë. Ka mijëra gra në Afganistan që nuk e dinë çfarë i pret, çfarë ndodh … Ju lutemi mos i njihni talibanët pa asnjë kusht, siç bëri Donald Trump kur nënshkroi marrëveshjen me talibanët”, tha gazetarja mes lotëve.

Ndërsa ajo bëri pyetjen, mbishkrimi “Jeta afgane ka rëndësi” ishte varur në redaksinë pas saj.

“NATO dhe bashkësia ndërkombëtare kanë qenë të pranishme në Afganistan për 20 vjet, dhe tani ne po kthehemi 20 vjet mbrapa. Unë do të doja të pyesja se si është e mundur kjo? Bashkimi Evropian dhe Shtetet e Bashkuara ishin në krye të civilizimit, ata mundën fashizmin dhe nazizmin në Luftën e Dytë Botërore. Tani, pavarësisht forcës së tyre, ata nuk mund të luftojnë talibanët”, tha gazetarja.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *