“Kam qenë i majtë, por jam totalisht i zhgënjyer”- Qytetari i shpreh shqetësimin Bashës: Kemi punuar si emigrantë dhe na kanë grabitur pronat



Kreu i PD Lulzim Basha zhvilloi sot takime me të rinj në Njësinë 16, ku një votues i majtë i shprehu kryedemokratit zhgënjimin e tij nga qeveria Rama.

Gjatë bashkëbisedimit me Bashën, ai ngriti problemin e grabitjes së pronës dhe rropatjet me legalizimet.

i zhgenjer ps

Basha u zotua se qeveria që do të dalë nga vota e 25 prillit do të jetë e të gjithë shqiptarëve qofshin këta të majtë apo të djathtë.

“Kam qenë një njeri i majtë, por jam totalisht i zhgënjyer nga kjo qeveri. E kam votuar disa herë dhe ka qenë zhgënjim të gjitha herët që e kam votuar, sepse na kanë grabitur pronat. Kemi punuar jashtë shtetit si emigrantë në Itali dhe Greqi. Kemi kërkuar pse s’na legalizojnë, nuk na kanë pritur fare, kështu kush e do shtëpinë dhe Shqipërinë të votojë për Lulzimin”, tha qytetari.

Ndërsa kryedemokrati Basha u shpreh: “Të falënderoj shumë dhe ky  është mesazhi jonë. Me ne fitojnë edhe të majtët edhe të djathtët. Me ne fiton e gjithë Shqipëria. Me 25 vota juaj nuk do të jetë thjeshtë votë për një parti politike. Do të jetë votë për familjen tuaj,  do të jetë votë për t’i ndëshkuar ata që nuk i mbajtën premtimet dhe për të na dhënë ne mundësinë të korrigjojmë dështimet e këtyre 8 viteve dhe ne nuk do t’i ndajmë shqiptarët në të majtë dhe të djathtë”.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *