Kazakistani do të zbatojë karantinë për personat që vijnë nga vendet ku është zbuluar varianti Omicron

Kazakistani ka vendosur të zbatojë karantinë shtatëditore në shtëpi për pasagjerët që vijnë nga vendet ku është zbuluar varianti Omicron i koronavirusit (COVID-19).

Në fjalën e tij në mbledhjen javore të Këshillit të Ministrave, zëvendësministri i Shëndetësisë i Kazakistanit Marat Shoranov deklaroi se rregullat e reja do të hyjnë në fuqi nga 3 dhjetori për të parandaluar hyrjen e variantit Omicron në vend.

Sipas rregullave, do të kufizohet hyrja e të huajve që vijnë nga Afrika e Jugut, Botsvana, Lesoto, Namibia, Zimbabve, Mozambiku, Malavi, Madagaskari, Esvatini, Tanzania dhe Hong Kongu. Fluturimet drejt Egjiptit, ku trafiku i pasagjerëve është i lartë, do të pezullohen.

Pasagjerët që vijnë nga vendet ku është zbuluar varianti Omicron do të duhet të dorëzojnë një test PCR, edhe nëse kanë një pasaportë për vaksinimin kundër COVID-19.

Përveç rezultatit të testit PCR, për pasagjerët në fjalë do të zbatohet edhe rregulli i karantinës shtatëditore në shtëpi.

Shoranov tha se situata epidemiologjike në vend është nën kontroll dhe shkalla e infektimit me COVID-19 është ulur 2,8-fish në muajin e fundit.

Në 24 orët e fundit, Kazakistani ka regjistruar 645 infeksione të reja me COVID-19.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.