Kina i kërkon SHBA-së të publikojë detajet e laboratorëve biologjikë në Ukrainë

Ministri i Jashtme kineze  u bëri thirrje Shteteve të Bashkuara të publikojnë detaje të gjithanshme të laboratorëve të saj biologjikë në Ukrainë dhe u kërkoi palëve përkatëse të garantojnë sigurinë e tyre.

Raportet e fundit të mediave thanë se ato laboratorë biologjikë ruajnë sasi të mëdha virusesh të rrezikshme që  Rusia ka gjetur gjatë operacioneve ushtarake dhe  Shtetet e Bashkuara i përdorin ato objekte për programe ushtarake biologjike.

Zëdhënësi Zhao Lijian tha në një konferencë të përditshme për shtyp se për shëndetin dhe sigurinë e njerëzve në Ukrainë, zonat përreth dhe në të gjithë botën, të gjitha palët e interesuara duhet të sigurojnë sigurinë e këtyre laboratorëve.

“Në veçanti, Shtetet e Bashkuara, si pala që i njeh laboratorët më së miri, duhet të lëshojnë informacione specifike përkatëse sa më shpejt të jetë e mundur, duke përfshirë se cilat viruse janë ruajtur dhe hulumtimet që janë kryer,” tha Zhao.

Aktivitetet bioushtarake të SHBA-së në Ukrainë janë vetëm “maja e ajsbergut”, tha Zhao. Nën emra të ndryshëm, Departamenti Amerikan i Mbrojtjes kontrollon 336 laboratorë biologjikë në 30 vende.

“Cili është qëllimi i vërtetë i Shteteve të Bashkuara? Çfarë ka bërë saktësisht? Këto kanë qenë gjithmonë burimi i dyshimeve për komunitetin ndërkombëtar,” tha Zhao.

Për më tepër, vetëm Shtetet e Bashkuara për 20 vjet kanë bllokuar ndërtimin e protokollit të verifikimit të Konventës së Armëve Biologjike dhe kanë refuzuar të pranojnë inspektime të objekteve biologjike brenda dhe jashtë kufijve të saj, duke rënduar më tej shqetësimet e komunitetit ndërkombëtar, tha zëdhënësi.

“Ne i bëjmë thirrje edhe një herë palës amerikane që të sqarojë plotësisht aktivitetet e saj ushtarake biologjike si brenda dhe jashtë vendit dhe të pranojë verifikimet shumëpalëshe”, tha Zhao.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.