“Koha që të ecim përpara”- Noizy shfaqet krah Erion Veliajt në fushatë, ja mesazhi që ka për qytetarët



Rigels Rajku, i njohur me emrin e tij të artit edhe si Noizy është shfaqur përkrah kryetarit të Bashkisë, Erion Veliaj, i cili drejton të gjithë fushatën e PS në qarkun e Tiranës në një prej takimeve elektorale të zhvilluara në Kavajë.

noizy veliaj

Noizy ka deklaruar se Shqipëria nuk mund të ndalojë, as të kthehet mbrapsht, por duhet të vazhdojë përpara dhe këtë mund ta bëjë më së miri me PS-në.

“Është koha që të ecim përpara! Nuk kemi mundësinë ne si shqiptarë të kthehemi mbrapa. Ne jemi një shtet që po ndërtohemi përditë dhe rinia është një nga gjërat më kryesore që duhet të mbështesim. Siç e tha edhe Lali Eri që duhet të punojmë fort, duhet të kemi vetëm pozitivitet në jetën tonë. Unë kam pasur mbështetje jo vetëm nga ana politike, por edhe si shok dhe prandaj kam ardhur sot këtu ta suportoj.

T’i them që, ato që keni bërë për Shqipërinë këto 8 vjet kanë qenë me të vërtetë për t’u admiruar, diçka që Shqipëria ka pasur nevojë faktikisht. Uroj që ta fitoni, sepse siç e thashë, mbrapa nuk mund të shkojmë. Është koha për të ecur vetëm më përpara dhe këtë mund ta bëni mirë vetëm ju. Paçi fat dhe ju faleminderit të gjithëve që e suportoni mikun tim, shokun tim Erionin,” u shpreh Rigels Rajku.

Veliaj, duke vlerësuar për mbështetjen që Noizy po i jep Partisë Socialiste u shpreh se ai është produkt i artistëve që ia kanë dalë vetë në jetë.

“Është produkt i atij që ia del vetë, i atij që shkon në emigracion, i atij që punon fort, i atij që frymëzon njerëz, i atij që nuk dorëzohet kurrë,” tha Veliaj duke e cilësuar një shembull frymëzimi për të gjithë ata që besojnë se në Shqipëri po të punosh çdo ditë dhe të mos dorëzohesh, mund t’ia dalësh dhe të kesh një histori suksesi.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *