Kompanitë e huaja të naftës tërhiqen nga Iraku

Ministri i Naftës i Irakut, Ihsan Abdul-Jabbar, deklaroi se kompanitë e mëdha të huaja të naftës, të tilla si British Petroleum (BP), duan të tërhiqen nga ky vend.

Ministri Abdul-Jabbar i paraqiti parlamentit irakian informacionin mbi situatën aktuale në sektorin e naftës në vend.

“Kompania Royal Dutch Shell tashmë është tërhequr nga Iraku. BP gjithashtu dëshiron të tërhiqet, ashtu si kompanitë e tjera të huaja”, tha Abdul-Jabbar.

Ai më tej tha se Lukoil gjithashtu ka njoftuar zyrtarisht se po shiste aksionet te kompanitë kineze dhe se ExxonMobil tashmë është tërhequr nga Iraku.

“Një tjetër kompani britanike e naftës është tërhequr nga rajoni Zubair në Basra. Situata në Irak nuk është e përshtatshme për të mbrojtur investitorët e huaj. Të gjithë investitorët e mëdhenj po kërkojnë tregje ose partnerë të tjerë. Në situatë të tillë, kompanitë e huaja nuk do të qëndrojnë në Irak”, tha Abdul-Jabbar.​​​​​​​//AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *