Autoritetet kosovare kanë arrestuar së fundmi shtetasit me iniciale, A.Gj., E.S., N.S., M.B pasi këta shtetas dyshohet se kanë bërë përpjekje për të bërë një strukturë organizative për kryerjen e akteve terroriste në Kosovë, duke kontaktuar me një person me gradë të lartë të organizatës terroriste ISIS.
Me këto veprime të pandehurit akuzohen për veprat penale ‘’përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës’’, lidhur me veprën penale ‘’kryerja e veprës terroriste’’.
Sakaq, të pandehurit E.S dhe A.Gj., pa autorizim, kanë siguruar dhe mbajtur në kontroll duke i fshehë dhe groposur arsenal të armëve të zjarrta dhe municion të llojeve të ndryshme.
Shtetasi A.Gj., akuzohet për veprën penale ‘’Mos lajmërim i përgatitjes së veprave penale’’, për shkak se nga muaji tetor 2020 e deri më nëntor ka qenë në dijeni se një tjetër i pandehur ishte duke përgatitur akte terroriste në Vjenë të Austrisë.
Nga ana tjetër shteatsi N.S., akuzohet për veprën penale ‘’Lehtësimi dhe financimi në kryerjen e terrorizmit’’, për shkak se janë kapur duke dorëzuar shumën prej 2000 eurosh një tjetër shtetasi me iniciale Sh. K. me qëllim blerjen e disa armëve zjarri që dyshohet se do të përdoreshin në një akt terrorist.
Burimi informacionit @BalkanWeb: Lexo me shume ne : www.botasot.al
