Konjufca pranohet nga Thaçi, Veseli, Krasniqi e Selimi, bëhet zyrtari i parë i Kosovës që do t’i vizitojë në Hagë

Kryetari i Kuvendit të Kosovës, Glauk Konjufca, pritet të jetë zyrtari i parë i nivelit më të lartë, që do të takojë, Thaçin, Veselin, Krasniqi e Selimin, që janë të paraburgosur në Dhomat e Specializuara të Kosovës në Hagë.

Konjufca do të takojë Hashim Thaçin, Kadri Veselin, Jakup Krasniqin e Rexhep Selimin, derisa ata vazhdojnë të mbesin si të paraburgosur, e mbi të cilët rëndojnë akuzat për krime lufte.

Të njëjtit e kanë pranuar kërkesën e Konjufcës për vizitë dhe një gjë të tillë e konfirmuan burime të RTK-së.

Aktualisht, kryetari i Kuvendit, Konjufca, ndodhet në vizitë zyrtare në Austri, ku u prit edhe nga homologu austriak si dhe pati takime të tjera.

Megjithatë, ende nuk dihet data se kur një vizitë e tillë mund të realizohet.

Ministrja e Drejtësisë, Albulena Haxhiu, është zyrtarja më e lartë që deri më tash ka vizituar Dhomat e Specializuara dhe ka takuar disa nga të paraburgosurit, por jo edhe Thaçin e Veselin. Sipas Haxhiut, ishin ata që nuk pranuan të takohen me të.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.