12:21 07/11/2022
Mediat koreano-veriore raportojnë se lëshimet e fundit kishin si synim bazat ajrore, avionë dhe një qytet të Koresë së Jugut
Korea e Veriut ka lëshuar imazhe të valës së saj të fundit të lëshimeve të raketave, duke përfshirë një raketë balistike ndërkontinentale, pasi dënoi stërvitjet e fundit ushtarake midis Koresë së Jugut dhe Shteteve të Bashkuara si një “provokim të hapur dhe stërvitje të rrezikshme lufte” kundër së cilës tha se duhej të përgjigjej.
Një deklaratë nga Shtabi i Përgjithshëm i Ushtrisë Popullore Koreane tha se Korea e Veriut do të vazhdojë t’u përgjigjet stërvitjeve ushtarake.
Korea e Veriut lëshoi disa raketa javën e kaluar, njëra prej së cilës dështoi gjatë fluturimit, raketa lundrimi dhe qindra predha artilerie, ndërsa fqinji i saj jugor dhe SHBA kryen stërvitjet e tyre ajrore Vigilant Storm, të cilat zgjatën nga pesë ditë në përgjigje të testeve të Phenianit.
Qindra avionë luftarakë të SHBA-së dhe Koresë së Jugut, përfshirë bombarduesit B-1B, morën pjesë në stërvitjen “Vigilant Storm”. Ushtria e Veriut tha se kishte kryer aktivitete simuluese mbi bazat ajrore dhe avionët, si dhe një qytet të madh të Koresë së Jugut, “për të shkatërruar armiqtë”.
Zyrtarët e Koresë së Jugut dhe të SHBA dyshojnë se Pheniani ka bërë përgatitje teknike për të testuar një pajisje bërthamore, hera e parë që do ta bëjë këtë që nga viti 2017. Diplomatët e lartë nga Shtetet e Bashkuara, Japonia dhe Koreja e Jugut dënuan testet e fundit.
Fotot e publikuara nga media shtetërore tregonin një lloj ose variant të ri të raketave të pa raportuar më parë. George William Herbert një konsulent raketash,deklaroi se imazhet tregonin një Hëasong-15 ICBM, e cila u testua për herë të parë në 2017.
Klan News
