Krijimi i Agjencisë për Dialog dhe Bashkëqeverisje/ Tabaku: Sajesë! Do të jetë një Ministri e re Financash për interesat korruptive dhe klienteliste








Deputeteja e Partisë Demokrtike, Jorida Tabaku, ka reaguar përmes një postimin në facebook, në lidhje me krijimin e Agjencisë për Dialog dhe Bashkëqeverisje nga ana e qeverisë.

TABAKU1

Tabaku shprehet se krijimi i kësaj agjencie ka për qëllim centralizimin e pushteti në dorën e kryeministrit, i cili duke shpikur agjenci të tilla dhe ministri pa portofol, po i jep një goditje të fortë demokracisë në vend.

Sipas Tabakut, Agjencia e trumbetuar nga maxhoranca si një instrument në dorën e qytetarit për të kontrolluar punonjësit e administratës, do të jetë thjesht një kod për të fshehur punën reale të saj. Puna reale sipas Tabakut do të jetë një Ministri e re e Financave për punësimet politike në administratë dhe për interesat korruptive të qeverisë.

“Mania për të kontrolluar gjithçka dhe gjithkënd nuk ndalet. Ka vite qe ne Ministrinë e Financave nën modelet më të mira është ngritur një drejtori specifike për manxhimin e fondeve që vijnë nga BE.

Ky model speciifik dhe i mirë trajnuar po shkatërrohet nga njeriu i vetëm që zhduku kufijtë ndarës së partisë me shtetin.

Mbrëmë është publikuar një VKM e qeverisë për një agjensi të re për Manaxhimin e Fondeve të Donatorëve, mbas asaj të Medias dhe Platformës digjitale.

Sot Rama ka ideuar dhe ndërtuar shtetin më të madh dhe me një centralizim pushteti të pa ekzistuar me parë.

Sajesat e tij që mbajnë emrin e Agjencive dhe Ministrive pa portofol janë një goditje ndaj demokracisë dhe decentralizimit.

Agjencia në fjalë njësoj si 2 agjencitë e tjera është thjesht një kod për të fshehur punën reale që ato do bëjnë. Pra, Agjencia do të ndërtojë politika, do manaxhoje fonde, do te jete nje Ministri e re e Financave.

Kjo sajesë, njësoj si Agjencia e Mediave dhe ajo e Bashkëqeverisjes, do të jenë hambari i punësimeve politike dhe partiake që do të zhvlerësojnë dhe shumëzojnë me zero infrastrukturën dhe paratë e shpenzuara për punësimin e administratës civile.

Së fundi, jo nga rëndësia, kjo Agjenci do të distancojë qytetarët dhe përfituesit nga entitetet që ofrojnë fondet.

Kjo gjenci e sajuar është për të mbivendosur funksionet kuptohet për interesa klienteliste dhe korruptive.

Pasi ajo i jep mundësinë Edi Ramës dhe natyrisht atij që Rama do vendosë aty që të abuzojnë me fondet e BE-së dhe donatoreve te tjerë më lehtësisht.

Shqipëria kështu po degjeneron përditë e më shumë në një shtet të kapur nga mafia, oligarkia dhe korrupsioni permanent që po shpërthen metastazat e tij çdo ditë e më shumë”, shkruan Tabaku.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *