Kroacia do të blejë 12 avionë luftarakë francezë “Rafale”

Në fillim të seancës së Qeverisë së Kroacisë, kryeministri Andrej Plenkoviç në Ditën e Ushtrisë njoftoi se Forcat Ajrore Kroate do të pajisen me një skuadrilje prej 12 avionësh francezë Rafale F3R me vlerë 999 milionë euro.

Në mesin e ofertave të reja për avionin amerikan F-16 Block 70, avionin e ri suedez JAS 39 Gripen C/D, avionët e përdorur izraelitë F-16 Barak, Kroacia vendosi të blejë avionët e përdorur francezë Dassault Rafale, tha Plenkoviç, duke shtuar se kjo do të siguronte paqen dhe stabilitetin e hapësirës së vet ajrore dhe kontrollin e territorit dhe kufijve të saj.

“Me avionët e rinj luftarakë që do të zëvendësojë MIG, jetëgjatësia e të cilave skadon deri në 2024, ne do të ruajmë aftësitë e Forcave Ajrore Kroate. Ne do të sigurojmë mbrojtje më efektive të sovranitetit kroat në tri dimensione, tokësore, detare dhe ajrore. Do të fitojmë një sigurues ​​të fuqishëm strategjik dhe do të rrisim sigurinë kombëtare në një nivel që nuk e kemi pasur kurrë. Me aftësi të tilla dhe ekuilibrat e forcës, viti 1991 do ishte krejt ndryshe dhe nuk do të kishim pësuar kaq shumë viktima dhe dëme të drejtpërdrejta materiale, të cilat u vlerësuan në 37.1 miliardë dollarë, gjë që Kroacinë ekonomikisht e la rreth 15 vjet pas”, tha Plenkoviç.

Ai shtoi se vendimi i sotëm nuk është vetëm investimi më i madh në Forcat e Armatosura Kroate që nga pavarësia, por edhe investimi më i madh në sigurimin e paqes së qëndrueshme të qytetarëve kroatë.

“Me avionin e ri luftarak me shumë qëllime, ne po fitojmë aftësinë për të rritur fuqinë totale luftarake të ushtrisë shumë herë në 30 deri në 40 vitet e ardhshme, e cila është garantuesi më i mirë i paqes”, shtoi kryeministri kroat.

Plenkoviç tha se avioni i zgjedhur shumëdimensional është i gjeneratës së fundit dhe konsiderohet si një nga më të mirët në botë dhe i vetmi nga ata që u ofruan që ka mundësinë e kryqëzimit supersonik. Sipas tij, avioni mund të mbajë ngarkesë prej 9.5 tonë dhe ka reflektimin më të ulët ndaj radarëve ndërsa Kroacia do ta ketë në standardin më të fundit F3R të prezantuar në 2018, i cili do ta bëjë atë avionin më modern në këtë pjesë të Evropës.

Oferta me vlerë 999 milionë euro, e cila do të realizohet në bazë të marrëveshjes midis dy qeverive, është më e favorshmja dhe ofron pagesë më të favorshme me këste, e cila nuk do të ngadalësojë hyrjen e Kroacisë në zonën e euros.

Nëse marrëveshja ndërqeveritare nënshkruhet këtë vit, Franca do të dorëzojë 6 avionët e parë në vitin 2024 dhe 6 të tjerët një vit më vonë.

Me 12 avionë Rafale, Forcat Ajrore Kroate duhet të kenë rreth 25 pilotë. Trajnimi i pilotëve dhe mekanikëve do të zgjaste 18 muaj ndërsa skuadrilja e avionëve luftarakë do të vendoset në aeroportin “Pleso”.//AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *