Kryetari i Lipjanit: Sasia prej 400 kg kokainë nuk kishte si destinacion Komunën tonë

Kryetari i Lipjanit, Imri Ahmeti ka deklaruar se 400 kg kokainë që u kapën dy ditë më parë nuk kishin si destinacion Komunën që ai drejton.

Ai thotë se sasia e kapur është dukuri e keqe për gjithë Kosovën, pasi kur kalon kufirin s’ka rëndësi nëse është në Lipjan, Prishtinë apo kudo tjetër.

400 kg kokainë ishin futur në një konteiner dhe ishin kamufluar në pako me mish nga Brazili. Pikërisht origjina e drogës ishte nga vendi amerikano-latin që më pas zbarkoi në Itali, në Durrës të Shqipërisë dhe në fund u kap në Lipjan të Kosovës, edhe gjitha nën vëzhgim të autoriteteve dhe me informacione nga DEA.

”Kjo është dukuri e keqe për të gjithë Kosovën, për të gjithë vendin, jo vetëm për Lipjanin. E keqja është se s’është dashur fare të lejohet të hyjë në kufi, sepse kur hyn në kufi, është pak e rëndësishme a është në Prishtinë, a në Lipjan apo ku është. Shumica e qytetarëve e kanë marrë me batuta. Megjithatë të gjithë janë të vetëdijshëm që ky është një aksion më i gjerë, më i koordinuar siç janë deklaruar tashmë edhe prej DEA-s në SHBA atje e të tjerat në Kosovë”,- tha Ahmeti.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *