Ksavi u prish punë Interit, Barcelona futet në garë për objektivin e madh të zikaltërve








Andre Onana është kthyer në objektiv për shumë klube europiane, por Interi ka qenë në krye të listës për shumë kohë, aq sa transferimi i tij te zikaltrit është bërë i sigurt.

ONANA

Portierit i skadon kontrata aktuale me Ajaksin në qershor, duke e bërë një opsion të favorshëm jo vetëm nga ana futbollistike, por edhe ajo ekonomike.

Pas janarit, 25-vjeçarit i lejohet të firmosë me çdo klub dhe në shkurt është programuar të vijë edhe firmosja e kontratës së re me Interin, që do ta mbajë lidhur për 4 vite me italianët, për të cilët ka refuzuar çdo klub tjetër.

Por, në rrugën e Interit ka dalë një tjetër pengesë dhe bëhet fjalë për Barcelonën që ka hyrë në garë për futbollistin, duke ua vështirësuar punën milanezëve.

Spanjollët, ndryshe nga skuadrat e tjera, janë një pistë joshëse për Onanën, jo vetëm për faktin se është rritur në akademinë e tyre, por mbi të gjitha për faktin se në krye të tyre ka ardhur Ksavi, legjendë e “Blaugranave” që premton t’i rikthejë lavdinë Barcelonës.

Në rast të një propozimi zyrtar, katalanasit mund t’u prishin punë zikaltërve, të cilët prej kohësh janë shprehur se Handanoviç nuk është më në planet e tyre dhe do t’ia besojnë portën gardianit kamerunas.

PANORAMASPORT.AL

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published.