Kurti dhe Kunjufca kryejnë në Prekaz vizitën e parë pas marrjes së detyrave: Çdo pozitë e lartë duhet të themelohet mbi rikthimin tek Jasharajt

Kryeministri i Kosovës, Albin Kurti bashkë me Presidentin në detyrë dhe kryetarin e Kuvendit, Glauk Konjufca kanë kryer vizitën e parë pas marrjes së detyrave kryesore.

Ata kanë shkuar për homazhe në Prekaz, që Kurti e quan edhe kryeqtytet të kryengritjes së kombëtare të Kosovës.

Kurti thekson se çdo pozitë e lartë duhet të themelohet mbi rikthimin tek familja dëshmore e Jasharajve.

‘’Jemi këtu në Prekaz, së bashku me kryeministrin Albin Kurti dhe kemi nderin edhe me kryetarin e Komunës së Skenderajt, Bekim Jasharin që të përkulemi para sakrificës së madhe të familjes Jashari.
Duhet që të marrim forcë se si të vazhdojmë dhe të ecim përpara, këtu është vendi ku kombi shqiptar u ringjall dhe sakrifica e madhe e familjes Jashari e lëvizi krejt botën.’’- tha Konjufca.

‘’Pas pranimit të detyrës si kryeministër i ri i Republikës së Kosovës mbajtëm mbledhjen e parë dhe menjëherë erdha këtu në Prekazin historik bashkë me presidentin në detyrë dhe kryetarin e Kuvendit dhe me kryetarin e Komunës së Skenderajt dhe djalin e heroit Hamëz Jashari. Vendosëm kurora me lule të freskëta dhe bëm homazhe te gjithsej 59 të rënët në Epopenë e UÇK-së.
Çdo herë kur marrim detyra të rëndësishme, çdo pozitë e lartë duhet të themelohet mbi kthimin dhe rikthimin tek Jasharajt, te Prekazi te ky kryeqytet i kryengritjes tonë kombëtare, lavdi të gjithë heronjve, falë të të cilëve jemi sot të gjallë dhe gëzojmë lirinë që kemi.’’- shtoi Albin Kurti.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *