Kush votoi pro dhe kush kundër rezolutës që e avancon statusin e Palestinës në OKB

kush votoi pro dhe kush kunder rezolutes qe e avancon statusin e palestines ne okb































Asambleja e Përgjithshme e Kombeve të Bashkuara miratoi me shumicë të madhe rezolutën që Këshilli i Sigurimit i OKB-së duhet të rishqyrtojë dhe të mbështesë anëtarësimin e plotë të Palestinës në Kombet e Bashkuara, por që përmirësoi edhe statusin e Palestinës.

okb

Rezoluta u mbështet nga 143 vende, nëntë ishin kundër dhe 25 vende abstenuan.

Nga vendet e rajonit pro ishin Bosnja dhe Hercegovina, Serbia, Mali i Zi dhe Sllovenia ndërsa abstenuan Shqipëria, Kroacia, dhe Maqedonia e Veriut.

Ndër fuqitë e mëdha, rezoluta u mbështet nga Rusia, Kina dhe Franca kurse kundër ishin Shtetet e Bashkuara të Amerikës gjersa abstenuan Gjermania dhe Britania e Madhe.

Në muajin prill, Autoriteti Palestinez ridërgoi kërkesën për anëtarësim dhe më vonë atë muaj, SHBA vuri veto ndaj përpjekjes palestineze për të arritur statusin e anëtarësimit.

Votimi në Këshillin e Sigurimit pa 12 anëtarë pro dhe një kundër, përveç vetos së SHBA. Izraeli lavdëroi veton e SHBA-së, duke e quajtur ofertën palestineze një “propozim të turpshëm” ndërsa presidenca e Autoritetit Palestinez e quajti veton “të padrejtë, imorale dhe të pajustifikuar”.

Në shtator të vitit 2011, Autoriteti Palestinez nuk arriti të fitonte njohjen e OKB-së si një shtet anëtar i pavarur. Një vit më vonë, OKB-ja vendosi që statusi i “entitetit vëzhgues jo-anëtar” të Autoritetit Palestinez do të ndryshohej në “shtet vëzhgues jo-anëtar”, ngjashëm me Vatikanin.

NDIQE LIVE “PANORAMA TV” <!–

–> © Panorama.al Burimi informacionit @Panorama.al: Lexo me shume ne :bota sot www.botasot.al

Spread the love

Similar Posts