Lavrov: Siguria e kufijve jugorë të Rusisë varet nga siguria në Lindjen e Mesme

Ministri i Jashtëm i Rusisë, Sergey Lavrov tërhoqi vëmendjen mbi sigurinë në Lindjen e Mesme pas tërheqjes së njësive ushtarake të NATO-s dhe tha se “Siguria e kufijve jugorë të Rusisë varet drejtpërdrejt me këtë”.

Në një fjalim në Institutin Shtetëror të Moskës për Marrëdhënie Ndërkombëtare (MGIMO), Lavrov foli lidhur me çështjen e Afganistanit.

“Pas tërheqjes së njësive ushtarake të NATO-s nga Afganistani, për ne është e rëndësishme të ofrojmë siguri për vendet e Azisë Qendrore që janë aleatët tanë. Siguria e kufijve jugorë të Rusisë varet drejtpërdrejt me këtë”, tha Lavrov duke tërhequr vëmendjen se trupat ushtarake të SHBA-së dhe NATO-s janë tërhequr nga Afganistani.

Lavrov tha se kanë zhvilluar punime për të formuar kushtet e nevojshme për formimin e qeverisë së vërtetë kombëtare në Afganistan. Ai shtoi se i mirëpresin deklaratat nga presidenti amerikan Joe biden dhe presidenti francez Emmanuel Macron për të mos “ndërhyrë në punët e brendshme të vendeve të tjera”.

“Një kohë të gjatë u kemi bërë thirrje kolegëve tanë perëndimorë që të nxjerrin mësim nga veprimet aventureske që kanë ndërmarrë vitet e fundit. Këto deklarata reflektojnë përfundimin e arritur në mënyrë të vështirë dhe shpresoj që planeti ynë do të jetë më i qetë”, tha Lavrov.//AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *