LIVE| Itali-Spanjë/ Shpërthejnë në festë italianët, Kieza realizon supergol (VIDEO)








Italia dhe Spanja janë duke u përballur në stadiumin ‘’Uembli’’ të Anglisë në kuadër të sfidës gjysmëfinale të Kampionatit Europian…

Spanje Itali

E gjithë bota e futbollit do t’i ketë sytë nga kjo sfidë e cila pritet të jetë spektakël i vërtetë. Italia vjen më e fortë se kurrë në këtë përballje pasi në stol ka një ekspert si Roberto Mançini i cili di si t’i motivojë lojtarët e tij. ‘’Axurrët’’ janë të pamposhtur në këtë Europian duke triumfuar në sfidat në grupe, më pas në fazën e 1/8-ve eliminuan Uellsin, ndërsa në çerekfinale dominuan Belgjikën e cila shikohej si ndër favoritet kryesore.

Nga ana tjetër, rrugëtimi i Spanjës ishte me mjaft luhatje ku pas dy barazimeve në dy sfidat e para në grup kundër Suedisë dhe Polonisë, iberikët shpërthyen me manita kundër Sllovakisë, për të eliminuar më pas në fazën e 1/8-ve Kroacinë sërish me manita pas 120 minutave lojë. Fati e ndeshi Spanjën me Zvicrën e Xhakës dhe Shaqirit në çerekfinale, ku ‘’furia e kuqe’’ u kualifikua vetëm pas gjuajtjes së 11-metërshave.

Itali vs Spanje

Mbrëmjen e sotme, të dyja skuadrat vijnë me moralin e fortë në një klasike të futbollit. Italia ka treguar që nuk di vetëm të mbrojë, por edhe të sulmojë e të shënojë gola duke e gjetur rrugën e rrjetës në këtë Europian gjithsej 11 herë në 5 takime. Mançini ka futur një frymë të re në skaudër, atë të grupit të bashkuar. Kjo u pa dhe me përvjeljen që skuadra i bëri Spinacolës pas dëmtimit, pasi ‘’axurrët’’ shohin njëri-tjetrin si element të rëndësishëm të pazëllit të tyre.

Statistikat favorizojnë Spanjën me 1 sfidë me shumë të fituar ku në 36 përballje midis dy kombëtareve, 11 fitore janë për Italinë, 12 për Spanjën ndërsa 13 janë ndarë në barazim. ‘’Axurrët’’ do të kërkojnë të hakmerren për finalen e Europianit të viti 2012 ku Spanja i poshtëroi me rezultatin 4-0.

Sa i përket foramcioneve, Luiz Enrike i ka habitur të gjithë duke zgjedhur në sulm Ojarzabal para Moratës. Nuk dihet nëse kjo është ndonjë strategji nga ana e teknikut spanjoll, por të gjithë kanë mbetur të habitur. Ndërsa në krahun tjetër, Mançini ka vendosur në krahun e majtë të mbrojtjes, Emerson, një zëvendësim i detyruar ky pas dëmtimit të rëndë të Spinacolës.

LIVE: ITALI-SPANJË 1-1

Kieza 60′ / Morata 80′

KOMENTI LIVE: 

101′ Me fat Italia në këto minuta, Bonuçi bën një ndërhyrje vendimtare, duke korrigjuar daljen jo të saktë të Donarumës.

98′ Momente paniku në zonën e Italisë. Spanjollët për pak sa nuk shënojnë golin e dytë!

97′ Toloi ndëshkohet me karton të verdhë për ndërhyrje të gabuar ndaj Olmos.

91′ Starton shtesa e parë prej 15 minuta.

Koha e rregullt nuk mjafton për të përcaktuar finalistin e parë. Ndeshja shkon në shtesa! 

90′ Akordohen 3 minuta shtesë!

85′ Zëvendësim edhe te Spanja, Apilikueta i lë vëndin Marko Jorentes.

85′ Dy zëvendësime te Italia, largohen Barela dhe Insinje, në vendin e tyre Beloti dhe Lokateli.

80′ GOOOOL SPANJA 1-1/ Vendoset baraspesha! Alvaro Morata ndëshkon të kaltrit. Mbrojtja e Italisë çahet në qendër, teksa sulmuesi i Juventusit, nuk fal përballë Donarumës, duke tundur rrjetën. 

80′ Pranë golit të dytë Italia, me Berardin, tentativa e tij në hyrje të zonës, shkoi drejt e në duart e portierit Simon.

77′ Spanja më kërkuese këto minuta, por ”axurrët” mbyllen mirë në mbrojtje.

72′ Zëvendësim në radhët e Italiaës, largohen nga fusha Emerson dhe Verrati në fushë Toloi dhe Pesina.

68′ Berardi humbet një shans të artë. Kieza bën gjithçka, asiston bukur për sulmuesin e Sasuolos, por ky i fundit gabon përballë portierit Simon.

65′ E pabesueshme çfarë humbet Spanja! Ojarzabal shkëputet bukur në qendër por godet keq me kokë. Zhgënjim tek spanjollët.

60′ GOOOOOL ITALIA 1-0/ Zhbllokohet supersfida! Fantastik Kieza! Futbollisti i Juventusit çon peshë zemrat e tifozëve italianë me një supergol! 

57′ Ndeshje e qetë në këto minuta, spanjollët më kërkues, ”axurrët” provojnë me kundërsulme.

52′ E pabesueshme çfarë humbet Buskets. Gjuatja e mesfushorit të Barcelonës përfundon mbi kuadratin e portës.

51′ Buskets ndëshkohet me karton të verdhë pas një faulli ndaj Imobiles.

50′ Di Lorenco bën një ndërhyrje vendimtare, largon saktë një top që po shkonte drejt këmbëve të Dani Olmos.

49′ Provon rrezikshëm Imboli, por gjuajtja me të majtën është e dobët dhe përfundon larg portës së Simon.

46′ Starton pjesa e dytë, të dyja skuadrat hidhen në sulm për golin e avantazhit.

Mbyllet pjesa e parë! 

44′ Pjesa e parë mbyllet me drithërimë në portën e Unai Simon, tentativa e Emerson ndalet nga traversa dhe shkon jashtë kuadratit.

42′ Ndeshje e luftuar në mesfushë, me të dyja skuadrat që provojnë herë pas here të ndërtojnë sulme të rrezikshme.

32′ Sërish rrezikshëm Spanja me Dani Olmon, por gjuajtja e mesfushorit, nuk ka saktësi duke shkuar jashtë kuadratit.

25′ Pranë golit Spanja, por fantastik portieri Donaruma, që me pritjen e tij, i djeg një shans të artë iberikëve, pas gjuajtjes së Dani Olmos.

21′ Ndizet sfida, Italia shpërdoron një rast të artë, pas shpërthimit të Emerson nga e majta, por as Imobile as Barela nuk arrijnë të godasin, teksa porta ishte e boshatisur.

18′ Italia provon me një skemë nga goditja e dënimit, por nuk e mbërrin dot topin Imobile.

14′ Ferran Torres lëshon goditjen e parë nga distanca, tentativa e tij shkoi jashtë portës së Donarumës.

12′ Pedri jep një top të mrekullueshëm për Ojarzabal, por futbollisti spanjoll, nuk arrin ta zotërojë, duke sfumuar një mundësi të mirë.

10′ Spanja merr zotërimin e topit, duke mos dalë nga stili i vet, por ende asnjë rast i rrezikshëm në portat respektive.

3′ Italia provon ta nisë në sulm, duke ushtruar presion të vazhdueshëm në zonën e spanjollëve. Start i zjarrtë.

1′ Starton sfida në “Uembli”.

FORMACIONET ZYRTARE

ITALIA: Donaruma; Di Lorenco, Bonuçi, Kielini, Emerson; Barela, Zhorzhinjo, Verrati; Kieza, Insinje, Imobile, Trajner: R.Mançini

SPANJA: Unai Simon; Aspilikueta, Laporte, Erik Garsia, Zhordi Alba; Koke, Buskets, Pedri; Dani Olmo, Ferran Torres, Ojarzabal, Trajner: L.Enrike

italy spanje

STATISTIKA TË TAKIMEVE ITALI-SPANJË

* Italia e ka mundur Spanjën vetëm dy herë në 14 ndeshjet e fundit në të gjitha kompeticionet. Bilanci është 7 fitore, 5 barazime. Dy fitoret e fundit të Italisë janë 2-1 në vitin 2011 në miqësore dhe në Europianin e vitit 2016 me golat e Kielinit dhe Pelesë.

* Itali-Spanjë është dueli më i përsëritur në historinë e kompeticioneve të rëndësishme Europian/Botëror. Deri tani janë përballur 9 herë, me 4 ndeshje të fituara nga Italia dhe vetëm 1 nga Spanja (4 barazime). Kjo sfidë është shndërruar si një klasike.

* Kjo është hera e shtatë në Europian mes Spanjës dhe Italisë dhe e katërta radhazi. Në tri përballjet e mëparshme, Spanja e ka mundur 2 herë, në vitin 2008 dhe në vitin 2012 në finalen e Europianit. “Axurrët” janë hakmarrë në vitin 2016.

* Skuadra e Italisë ka eksperiencë të jashtëzakonshme në turnetë madhorë dhe kjo është hera e 12-të që do të luajë në një gjysmëfinale. Vetëm Gjermania me 20 gjysmëfinale e parakalon. Italianët ia kanë dalë të shkojnë në finale 9 herë nga 11 të luajturat deri tani, përfshirë edhe 4 të fundit.

* Italianët kanë fituar 5 ndeshje në këtë “Euro 2020”, ekipi i vetëm nga katër të kualifikuarit që ka pasur këtë ecuri. Vetëm në vitin 1990 kanë arritur të fitojnë 6 ndeshje radhazi, ndërsa skuadra e parë që i ka fituar 6 radhazi në një turne madhor është Holanda në vitin 2010, por në finale u mund nga Spanja.

* Spanja ka arritur në gjysmëfinalet e Europianit 3 herë nga 4 edicionet e mundshme (në vitin 2016 nuk ia doli). “Furia e Kuqe” është shpallur kampione 2 herë, në vitin 2008 dhe në vitin 2012.

* Italia dhe Spanja kanë luajtur me njëra-tjetrën në vitin 2016 dhe këtë sfidë e fitoi Italia me rezultatin 2-0. Bëhej fjalë për fazën e 1/8- ave të këtij kompeticioni dhe shënuan Pele me Kielinin. Nga ajo ndeshje kanë “mbijetuar” Bonuçi, Florenci, Insinje, De Gea, Alba, Buskets dhe Alvaro Morata.

PANORAMASPORT.AL

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published. Required fields are marked *