Loja e PS dhe PD me komisionin hetimor të zgjedhjeve! Çfarë pritet të ndodhë në mbledhjen e sotme








komisioni hetimorMe firmën e 38 deputetëve të Partisë Demokratike Parlamenti miratoi ngritjen e komisionit hetimor për zgjedhjet e 25 prillit. Por pa nisur ende nga puna me “hetimin” kanë nisur mosdakordësitë mes palëve.

Ditën e mërkurë ishte thirrur mbledhja e radhës nga kryetari i Komisionit, Enkelejd Alibeaj, por maxhoranca nuk u paraqit duke thënë se ishin në terren duke takuar qytetarët. Sipas tij, mungesa e anëtarëve të maxhorancës është një strategji për të penguar veprimtarinë e hetimit të masakrës së 25 prillit. “Në bazë të ligjit, mbledhjet thirren nga kryetari i Komisionit. Unë, në konsultim me zotin Toni Gogu, i kam komunikuar që mbledhja e sotme do të ishte në datën 20 tetor, ora 15:00. Anëtarët e opozitës në sallën e byrosë u përballën para një befasie, një bojkot total i të gjithë anëtarëve të maxhorancës.

Nuk kishte asnjë arsye. Arsyeja ishte se meqë jemi në javën e gjelbër të Kuvendit, sot po e marrim pushim dhe caktojmë një datë tjetër. Jemi këtu si detyrim i Kuvendit për një afat 3-mujor të Komisionit. Sot është dita e 6- të, nesër bëhet e 7-a dhe është e qartë se duket që është një strategji e qartë për të penguar veprimtarinë e hetimit të masakrës zgjedhore të 25 prillit. Ata të cilët janë nën akuzë jo vetëm prej nesh, është kjo pjesë e maxhorancës.

Maxhoranca është e treguar, e akuzuar, e dokumentuar si hajdute e procesit zgjedhor të 25 prillit dhe është afër mendsh se do të bëjnë gjithçka për të zvarritur veprimtarinë e komisionit hetimor. Nuk më çudit kjo sjellje, nuk e prisja që do të ndodhte në mbledhjen e parë”, tha Alibeaj. Pas kësaj mbledhjeje Kuvendi njoftoi se mbledhja e radhës e komisionit hetimor ishte sot (të premten) në orën 10:00. Por dje përfaqësuesit e PS-së shkuan në sallën ku zhvillohet mbledhja

REAGIMI

Nënkryetari i komisionit hetimor për 25 prillin, Toni Gogu, nga ambientet e selisë së Kuvendit iu përgjigj akuzave të opozitës për bojkotin e komisionit nga ana e maxhorancës. Gogu u shpreh se ai së bashku me deputetët socialistë shkuan ditën e djeshme në ambientet ku zhvillohej mbledhja, por përfaqësuesit e Partisë Demokratike nuk ishin të pranishëm. Gogu e përdori daljen në media për t’i bërë një ftesë publike kryetarit të Komisionit, Enkelejd Alibeajt, për t’u takuar ditën e sotme ose të nesërme, me qëllim miratimin e kalendarit të punës së komisionit.

“Pika 7 e Rregullores ishte mbledhja e radhës. Në kundërshtim me procedurat, kryetari na e mohoi këtë të drejtë. Një nga anëtarët na etiketoi ‘gangsterë’. Propozuam që të mblidheshim sot, pasi ishte vonë dhe nuk mundet të takoheshim. Ne duhej të ishim nëpër zona. Ajo që morëm është se vijmë sot dhe nuk janë të pranishëm. Do të vijmë edhe nesër, pasi ne jemi të vendosur të hetojmë dhe mbrojmë integritetin e zgjedhjeve. Unë vijoj të bëj të njëjtën ftesë, i bëj thirrje zotit Alibeaj të mblidhemi një orë e më parë dhe të vijojmë të caktojmë kalendarin e punës. Nderin e zgjedhjeve ne mund ta mbrojmë vetëm duke hetuar së bashku në këtë komision”, tha Gogu.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *