Udhëheqësi i Kherson i zgjedhur nga Rusia, ka bërë me dije se 60, 000 njerëz do të evakuohen në gjashtë ditët e ardhshme.
Vladimir Saldo më tej ka theksuar se autoritetet po zhvendosnin civilë në bregun e majtë të Dnipros në mënyrë që të lejonin ushtrinë të vepronte me vendosmëri.
Sakaq sulmet ruse me raketa dhe dronë në stacionet e energjisë, kanë lënë më shumë qytete, qyteza e fshatra pa rrymë në Ukrainë, kanë thënë autoritetet më 19 tetor.
Sulmet që kanë nisur më shumë se një javë më parë, kanë shkatërruar pothuajse një të tretën e stacioneve energjetike të Ukrainës dhe kanë lënë pa rrymë më shumë se 1.000 vendbanime.
Bombardimet ruse kanë lënë pa rrymë dhe ujë disa pjesë të qytetit Enerhodar, ka thënë, Dmytro Orlov, kryetar i qytetit.
(BalkanWeb)
Burimi informacionit @BalkanWeb: Lexo me shume ne : www.botasot.al
