Luftimet në Ukrainë vijojnë të godasin objektivat civilë

09:11 26/03/2022

Moska zvogëlon ambiciet e saj

Në më shumë se një muaj luftë në Ukrainë, Rusia nuk i ka ndalur bombardimet ndaj objektivave civilë duke shënuar me qindra viktima.

Sulmi i përqëndruar në Mariupol ka shkatërruar 80% të infrastrukturës së qytetit. Rezistenca e forcave ukrainase nuk iu ka dhënë mundësinë rusëve të marrin atë që ata deshën.

Nga bombardimet në teatrin e Mariupolit në datën 16 Mars ku ishin të strehuar mbi 1 mijë qytetarë ende nuk ka shifra të sakta mbi viktimat.

Sipas zyrtarëve ukrainas, rreth 300 persona kanë humbur jetën, ndërsa dëshmitarët thonë se nuk kanë parë askënd të dalë prej andej.

Këtë të shtunë në mesazhin e tij presidenti ukrainas, Volodimir Zelenski bëri thirrje që bisedimet të vijojnë, ndërkohë që Moska sinjalizoi se po zvogëlonte synimet e saj për t’u fokusuar në territoret separatiste pro-ruse./tvklan.al

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.