Presidenti i Bjellorusisë, Alexander Lukashenko, u ka dhënë çmime shtetërore agjentëve lokalë të KGB-së për rolin e tyre në një operacion për të shpëtuar shoferët bjellorusë të kamionëve të bllokuar në Ukrainë që kur Rusia nisi agresionin e saj ushtarak.
KGB është agjencia ruse e spiunazhit.
Lideri bjellorus ka bërë të ditur për televizionin shtetëror, se pasi filloi ai të cilit Rusia i referohet si “operacion special”, disa dhjetëra shoferë u bënë peng të situatës dhe duhej të ktheheshin në shtëpi nga shërbimet bjelloruse të sigurisë. Ai tha se dy nga shoferët u vranë.
“Ju jam mirënjohës për operacionin e kryer nga ju për të çliruar njerëzit tanë, praktikisht nga robëria”, tha Lukashenko.
Një nga aleatët më të ngushtë të liderit rus Putin, Lukashenko është një nga ata të cilët e ka mbrojtur agresionin rus ndaj Kievit.
Burimi informacionit @BalkanWeb: Lexo me shume ne : www.botasot.al
