Presidenti francez Emmanuel Macron dhe presidenti amerikan Joe Biden ranë dakord të forcojnë sanksionet e marra tashmë kundër Rusisë në një telefonatë të dielën, tha Pallati Elysee.
Të dy udhëheqësit përsëritën mbështetjen e tyre për Ukrainën dhe do të bashkojnë përpjekjet për nismat për t’i dhënë fund luftimeve, sipas një deklarate të Pallatit Elysee.
Macron shprehu gjithashtu ngushëllimet e tij për vdekjen e gazetarit amerikan Brent Renaud, i cili humbi jetën gjatë mbulimit të luftës në Ukrainë.
Nuk është e qartë se për cilat sanksione folën të dy.
Gjatë një telefonate të veçantë me presidentin ukrainas Volodymyr Zelensky, Macron shprehu mbështetjen e tij për Ukrainën dhe detajoi përmbajtjen e ndihmës shtesë që Bashkimi Evropian do t’i ofrojë qeverisë ukrainase gjatë samitit të Versajës, thuhet në deklaratën e Elysee.
Thirrjet erdhën një ditë pasi udhëheqësi francez foli me presidentin rus Vladimir Putin si pjesë e përpjekjeve për të arritur një armëpushim.
Burimi informacionit @BalkanWeb: Lexo me shume ne : www.botasot.al
