Mbahet gjyqi i dytë ndaj punonjëses iraniano-britanike

12:58 14/03/2021

Punonjësja humanitare britaniko-iraniane, Nazanin Zaghari-Ratcliffe ka thënë se gjyqi i dytë ndaj saj, nën akuzat për “propagandë ndaj sistemit”, është mbajtur në Teheran më 14 mars.

Avokati Hojjat Kermani i tha një ueb-faqeje iraniane se gjyqi u mbajt “në një atmosferë të qetë, në prezencën e klientes time”.

“Është bërë mbrojtja ligjore. Kam shumë shpresë se ajo do të lirohet nga akuzat”, tha ai.

Zaghari-Ratcliffe, një menaxhere projektesh në Thomas Reuters Foundation, ishte arrestuar në Teheran në prill të vitit 2016. Më pas ajo u dënua me pesë vjet burgim nën akuzat se ka bërë komplot për rrëzimin e Qeverisë iraniane.

Ajo ka vuajtur shumicën e dënimit në burgun Evin të Teheranit, por në mars të vitit 2020, u dërgua në arrest shtëpiak për shkak të pandemisë së koronavirusit.

Më 7 mars, Zaghari-Ratcliffe, 42 vjeçe, u lirua nga arresti shtëpiak pasi përfundoi dënimin, por u thirr menjëherë në gjykatë për t’u përballur me akuza të reja.

Asaj i është ndaluar largimi nga Irani.

Zaghari-Ratcliffe ka mohuar të gjitha akuzat që rëndojnë ndaj saj.

Irani ka arrestuar dhjetëra të huaj dhe persona që kanë dyshtetësi në vitet e fundit, nën akuza për spiunazh.

Kritikët thonë se Irani përdor ndalimet arbitrare si një formë të diplomacisë për përfituar koncesione nga qeveritë perëndimore, pretendime këto që mohohen nga Teherani zyrtar.

Më 10 mars, një zëdhënës i kryeministrit britanik, Boris Johnson tha se ndalimi i mëhetjmë i Zaghari-Ratcliffe është “i papranueshëm” dhe kërkoi lirimin e saj të menjëhershëm./REL









Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *