Mbërritja e afganëve në Shqipëri/ Rama vizitë hotelin ku janë akomoduar në Durrës, u dhuron lodra fëmijëve










Kryeministri Edi Rama ka vizituar grupin e parë të qytetarëve afganë të cilët mbërritën orët e para të mëngjesit të sotëm në vendin tonë.

Ai u dhuroi fëmijëve të vegjël dhurata lodra duke sjellë buzëqeshje në fytyrën e tyre ndërkohë që ai zbuloi se një prej bebeve afgane feston ditëlindjen e parë.

121 qytetarët afganë të cilët mbërritën në vendin tonë, janë strehuar në “Prestige Resort” në Durrës.

“Dua tju falenderoj për mikpritjen që na keni ofruar. E di që nuk është e lehtë të strehosh kaq shumë persona. Kolegët tuaj kanë bërë më të mirën” – është shprehur një grua nga Afganistani.

“Kemi qenë në këtë pozitë, e dimë çfarë është. Çdo gjë është në rregull këtu?” – thotë kryeministri.

Po, në rregull. Shumë faleminderit. Kanë qenë të gjithë shumë të gjindshëm, kanë bërë maksimumin. Nuk ka qenë e lehtë, për të qenë të ndershëm, duket ende si një makth nga i cili do të zgjohemi, por realiteti është ky që është për fat të keq. Duket si të vish nga ferri në parajsë, ka qenë shumë e vështirë për të gjithë” – tha gruaja afgane.

Ditën e sotme në vendin tonë ka mbërritur grupi i parë i afganëve. Kanë qenë 121 qytetarë afganë që kanë mbërritur në aeroportin e Rinasit dhe aktualisht janë strehuar në Prestige Hotel.

Lexoni edhe: VIDEO- Mbërrin në Shqipëri avioni i parë me 121 afganë, mes tyre gra dhe fëmijë. Ja ku do të strehohen

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *