Mbi 8 milionë njerëz kanë nevojë për ndihmë urgjente në Sudanin e Jugut

Një forum i shoqërisë civile njoftoi se në Sudanin e Jugut, në prapavijë të pandemisë së COVID-19, kriza humanitare po arrin nivele shkatërruese me mbi 8.3 milionë njerëz që tani kanë nevojë për ndihmë urgjente.

“Konflikti i vazhdueshëm dhe dhuna, dy vjet përmbytje shkatërruese dhe disa nga pasiguritë më të rënda ushqimore në vitet e fundit janë bashkuar duke lënë pjesë të vendit në situatën më kritike humanitare që nga uria e lokalizuar në vitin 2017”, tha në një deklaratë organizata joqeveritare Forum i Sudanit të Jugut.

Mbi 7 milionë njerëz parashikohet të jenë në gjendje të pasigurisë ushqimore deri në prill të vitit 2021 me situatën që vazhdon të përkeqësohet, shtoi Forumi.

Më shumë se 100 mijë njerëz pritet të jenë në rrezik të vdesin nga uria, kequshqyerja dhe sëmundjet e lidhura gjatë disa muajve të ardhshëm, theksohet më tej.

“Krahas nivelit të madh të nevojave, agjencitë humanitare janë përballur me kërcënime dhe sulme në rritje kundër operacioneve dhe anëtarëve të tyre të stafit”, tha Forumi.

Tendenca alarmante e vrasjes së punonjësve humanitarë vitin e kaluar po vazhdon edhe këtë vit.

“Duke pasur parasysh thellësinë dhe qëllimin e krizës humanitare, organizatat joqeveritare në të gjithë Sudanin e Jugut u bëjnë thirrje palëve kombëtare dhe ndërkombëtare që të veprojnë menjëherë. Hyrja e papenguar tek civilët duhet të garantohet dhe një shkallë urgjente dhe masive e përgjigjes humanitare është e nevojshme për të parandaluar humbjen shkatërruese të jetëve”, thekson Forumi.//AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *