Shërbimi i sigurisë i Ukrainës ka njoftuar se ka shkatërruar një “rrjet spiun” rus në rajonin e Kharkiv.
“Kriminelët rusë mblodhën informacione për vendndodhjen e fortifikimeve dhe rrugëve të lëvizjes së kolonave të pajisjeve ushtarake ukrainase, duke përfshirë hekurudhat” thuhet në njoftimin e publikuar.
Katër anëtarë të dyshuar të rrjetit spiun rus u arrestuan si pjesë e operacionit tha Shërbimi i sigurisë i Ukrainës.
“Gjatë kontrolleve në banesat e të arrestuarve u gjetën kompjuterë dhe telefona celularë, të cilët i përdornin për të kryer veprime zbuluese kundër Ukrainës. Gjithashtu u sekuestruan tre granata luftarake”.
Tre prej tyre u akuzuan për tradhti të lartë, ndërsa tjetri u akuzua për përdorim të paligjshëm të municioneve, ndërsa SBU është ende në kërkim të një personi tjetër, i cili besohet se ka ikur në Rusi.
Të katër të arrestuarit përballen me burgim të përjetshëm.
Burimi informacionit @BalkanWeb: Lexo me shume ne : bota sot www.botasot.al
