Mbretëresha Elizabeta II feston ditëlindjen e 95-të

Mbretëresha Elizabeta II festoi ditëlindjen e saj të 95-të me ceremoni të reduktuara për të dytin vit me radhë për shkak të kufizimeve për frenimin e koronavirusit.

Trupat me Ngjyra, ceremonia tradicionale për ditëlindjen e mbretëreshës, u mbajt në Kështjellën Windsor me paradë të reduktuar.

Ditëlindja e saj përkoi me samitin e G7-tës që u mbajt në Cornwall të Anglisë këtë vit. Mbretëresha u takua me udhëheqësit që morën pjesë në samit në një pritje të premten dhe ajo do të vizitohet në Kështjellën Windsor të dielën nga Presidenti i SHBA-së Joe Biden dhe gruaja e tij.

Mbretëresha, ditëlindja e së cilës bie në prill, zyrtarisht e feston atë në qershor, sipas datës së saktë të përcaktuar nga Pallati Buckingham.

E lindur më 21 prill 1926, Mbretëresha Elizabeta është monarkja me mbretërimin më të gjatë në Mbretërinë e Bashkuar. Ajo është ulur në fronin britanik që nga 6 shkurti 1952.

Mbretëresha kaloi ditëlindjen e saj në prill pa ndonjë festë kryesisht për shkak të vdekjes së burrit të saj pak kohë më parë. Princi Filip, burri i mbretëreshës dhe Duka i Edinburgut, vdiq më 9 prill pasi pësoi probleme kardiake në moshën 99 vjeçe. // AA

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *