11:48 06/03/2022
Sekretari amerikan i shtetit Anthony Blinken po mban një konferencë shtypi me presidenten moldave Maia Sandu.
Sipas asaj që shkruan Sky News, Sandu u tha gazetarëve se më shumë se 250,000 refugjatë nga Ukraina kanë kaluar në vendin e saj që prej nisjes së pushtimit rus.
Ndërsa Blinken tha se SHBA mbështet aspiratat europiane të Moldavisë, por procesi i anëtarësimit të saj në BE varet nga Moldavia dhe anëtarët e BE-së.
Ai shtoi se siguria e energjisë është “kritike” për ruajtjen e sovranitetit dhe pavarësisë së Moldavisë.
Blinken po ashtu tha se SHBA po sheh me vëmendje se si mund ta furnizojë Poloninë nëse ajo vendos të dërgojë avionë në Ukrainë./tvklan.al
