Më shumë se 507,000 jetë të humbura në 13 vjet konflikt në Siri

me shume se 507000 jete te humbura ne 13 vjet konflikt ne siri
me shume se 507000 jete te humbura ne 13 vjet konflikt ne siri

Më tepër se 507,000 vetë janë vrarë në luftën civile në Siri, e cila është në vitin e 13-të të saj dhe që ka çuar në zhvendosjen e milionave njerëzve brenda dhe jashtë vendit, sipas Observatorit sirian për të Drejtat e Njeriut.

Protestat filluan më 15 mars 2011, në disa zona të Sirisë dhe u pritën me dhunë dhe forcë nga autoritetet. Situata u kthye shpejt në një konflikt shkatërrues të përkeqësuar nga rritja e grupeve militante dhe përfshirja e disa partive të jashtme.

Vëzhguesi i të drejtave tha se numri i vdekjeve civile gjatë konfliktit kishte kapërcyer 164,000, duke përfshirë më shumë se 15,000 gra dhe 25,000 fëmijë. Ai tha se më shumë se 343,000 luftëtarë ishin vrarë, duke përfshirë anëtarë të ushtrisë siriane, individë në grupe besnike ndaj Iranit, luftëtarë kurdë, luftëtarë të fraksioneve të opozitës dhe të tjerë të referuar si “xhihadistë”.

Numri i të vdekurve është rritur nga rreth 503,000 marsin e kaluar, me intensitetin e betejave që gradualisht u pakësuan në disa zona gjatë viteve.

Pavarësisht rimëkëmbjes graduale të territoreve nga forcat qeveritare, me ndihmën e Rusisë dhe Iranit, zona të gjera në veri dhe veriperëndim të vendit mbeten jashtë kontrollit të regjimit të Asadit.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts