“Merrni punëtorë nga Bangladeshi dhe i përzini sa të mësojnë shqip”/ Kryemadhi komenton deklaratat e Ramës: Batuta qesharake! Të bëjë pagën minimale 400 mijë lekë

Duke u ndalur tek deklaratat e kryeministrit Edi Rama dy ditë më parë në qytetin e Shkodrës në lidhje me marrjen e punëtorëve nga Bangladeshi, kryetarja e Lëvizjes Socialiste për Integrim, Monika Kryemadhi tha se ata që kanë fasoneri e dinë shumë mirë se nuk mund të japin paga të tilla.

Screenshot_2-2-770x431

Sipas saj, për shkak të krizës ekonomike dhe ligjeve absurde të kryeministrit Rama, kompanitë fason humbasin qindra mijëra euro.

Ajo kërkoi që kryeministri të bëjë pagën minimale 400 mijë lekë duke stimuluar biznesin.

Pjesë nga deklaratat gjatë një takimi me gra dhe vajza në Fier:

Unë e di shumë mirë që të gjitha ne së bashku do ta arrijmë dhe do ta realizojmë objektivin tonë. Objektivi ynë nuk është thjesht një flamur, por është mirëqenie për familjet shqiptare. Objektivi ynë është punë për gratë dhe vajzat shqiptare për djemtë dhe burrat shqiptarë. Dhe jo vetëm punë që të tallemi me ta, por punë të mirëpaguar.

Të gjithë dëgjuat batutat qesharake të kryeministrit që bënte në Shkodër për punëtorët që do të vijnë nga Bangladeshi dhe të gjithë gazetarët dhe rrjetet sociale u morën me meme, sesi mund të ndodhte po të vinin punëtorët nga Bangladeshi, por asnjëri nga ne nuk foli sesi ata që kanë fasonët e dinë shumë mirë dhe e kanë të pamundur për të paguar rrogën e një punëtori në fason me 400 mijë lekë. Por përkundrazi, mezi e realizojnë që t’u japin pagën punëtorëve. Sepse me rënien e ekonomisë, çdo fabrikë fasonistësh humbet të paktën me qindra mijëra euro për shkak të kodit doganor, të ligjeve absurde të Edi Ramës, për shkak të çdo abuzimi dhe shkatërrimi të ekonomisë shqiptare.

E pra para se të marri dhe të bëjë rrogat e punëtorëve nga Bangladeshi, nga Pakistani e nga të dojë ai me 400 mijë lekë, të bëjë rrogat e punëtorëve shqiptarë dhe t’u japë shansin dhe mundësinë bizneseve shqiptare që të bëjnë rrogat minimale me 400 mijë lekë. Me mashtrime të tilla shqiptarët janë lodhur, kanë 8 vite që e dëgjojnë atë që gënjen. 4 vjet me kusi e timon, i vetëm fare dhe ja ku jemi sot. Taksa më të larta, çmime më të larta, biznese të mbyllura, fëmijë të larguar nga Shqipëria, shkolla të shkatërruara, spitale të rrënuara, shërbim shëndetësor skandaloz, faturat e ilaçeve më të larta se kudo tjetër. E pra kjo është ai që ai kërkonte, të pasuronte veten dhe oligarkët e tij dhe të varfëronte qytetarët.

Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *