Ministri britanik bllokohet në ashensorin e BBC për gjysmë ore, çfarë i kërkoi prezantuesit

Ministri britanik, Michael Gove, u vonua në një intervistë në emisionin e së hënës, pasi një ashensor i BBC-së ndaloi së punuari. Ai mbeti i bllokuar në ashensor për rreth gjysmë ore.

Duke u paraqitur me vonesë në emision, ai tha me shaka se stafi “më kishte ngritur me sukses” dhe e kishte liruar.

Prezantuesi Nick Robinson tha se Gove kishte ngecur për pak kohë. Robinson shtoi se zoti Gove ishte i qetë dhe fillimisht kishte ofruar ta kryente intervistën me telefon nga brenda ashensorit.

“Do të doja të thoja që kjo është një shaka, nuk është shaka dhe nuk është shumë qesharake për zotin Gove dhe njeriun e sigurisë”, tha ai.

Duke u paraqitur në emision rreth 15 minuta më vonë se sa ishte planifikuar, zoti Gove tha se ishte “i kënaqur” që më në fund do ta realizonin bisedën së bashku me prezantuesin.

Një zëdhënës i BBC tha: “Na vjen keq që zoti Gove ishte ngecur në një nga ashensorët tanë, por jemi të lumtur që ai më vonë ishte në gjendje të merrte pjesë në intervistë.”

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published.