Ministrja e Jashtme britanike: Putin është një kriminel lufte!

15:04 17/03/2022

Pas deklaratës së Biden shtohen zërat që e cilësojnë të tillë presidentin rus pas agresionit në Ukrainë

Pas Kreut të Shtëpisë së Bardhë Joe Biden dhe ministrja e Jashtme britanike Lizz Truss e ka cilësuar presidentin rus Vladimir Putin një kriminel lufte.

“Ka prova mjaft të forta se krimet e luftës janë kryer dhe se Vladimir Putin qëndron pas tyre“, shprehet ajo. “Përfundimisht kjo është një çështje që i përket Gjykatës Ndërkombëtare Penale të vendosë se kush është dhe kush nuk është kriminel lufte por gjëja më e mirë që mund të bëjmë në këto momente është të sjellim prova për këtë”, ka vijuar më tej ajo.

Edhe ministri ukrainas i Mbrojtjes Oleksii Reznikov u bëri thirrje ligjvënësve të Bashkimit Europian ta njohin presidentin rus Vladimir Putin si kriminel lufte pasi Rusia sulmoi ushtarakisht Ukrainën. Thirrjeve për ta quajtur Putin ‘kriminel lufte‘ i është bashkuar edhe zëvendësministri i Jashtëm polak, Marcin Przydacz, ku nënvizoi se forcat ushtarake ruse po përdorin taktikat nga më brutale.

Më herët, Kremlini i ka konsideruar deklaratat e Bidenit për presidentin rus një “retorikë të papranueshme dhe të pafalshme”.

Klan News

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published.