“Moderna” merr rekomandimin për përdorim nga OBSH

[embedded content]

15:46 02/05/2021

Së shpejti në këtë listë edhe vaksina kineze “Sinovac”

Organizata Botërore e Shëndetësisë liston vaksinën e firmës amerikane Moderna, në listën e rekomandimeve për përdorim urgjent. Vendimi i ekspertëve të OBSH-së është një rekomandim bindës që u mundëson shteteve të botës të përshpejtojnë proceduar për lejimin e injektimit në masë të dozave të kësaj vaksine për imunizimin e popullatës kundër koronavirusit.

Vendosja në listën e vaksinave të rekomanduara përbën po ashtu parakusht që Moderna të furnizojë edhe nismën COVAX për doza të mjaftueshme për vendet e varfra.

Vaksina e Modernës ka ndër nivelet më të larta të efikasitetit në 94% dhe përdor të njëjtën metodologji inovative me atë të firmave Pfizer, duke krijuar imunitet anti-COVID përmes lajmëtarit të ARN-së. Kjo vaksinë është e pesta që merr lejen urgjente të OBSH-së, pas Pfizer, dy varianteve të AstraZeneca dhe Johnson and Johnson.

Në shqyrtim për përfshirjen në listën e rekomandimeve të OBSH-së janë edhe vaksinat kineze Sinofarm e Sinovac që po përdoret për imunizimin masiv edhe në Shqipëri. Studimet kanë treguar efikasitet të lartë të këtyre dy vaksinave për shmangien e rasteve të rënda dhe vdekjeve në rast infektimi me COVID-19.

Tv Klan

Burimi informacionit @TvKlan: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *