Motori i aeroplanit fiket në ajër, studenti pilot menaxhon situatën, bën zbritje emergjente si një profesionist i vërtetë (VIDEO)

Një student pilot ka përjetuar çaste tmerri, teksa gjatë provës në ajër avioni që po flatronte pësoi defekt.

Motori i Cessnës 150J u fik në ajër e nuk jepte më asnjë shenjë jete, duke e kthyer atë moment në një sprovë tmerrësisht të vështirë edhe për një pilot me shumë eksperiencë, jo më pastaj për një djalë të ri i cili është duke mësuar pilotimin.

Megjithatë, Brian Parsley nuk e lëshoi veten. I riu ruajti gjakftohtësinë dhe ndonëse motori i vetëm i mjetit u bllokua papritur, ai mendon për një ulje emergjence në një fushë të blertë pasi pista e aeroportit ishte shumë larg.

Studenti-pilot arrin ta kontrollojë avionin në mënyrë të shkëlqyer duke e çuar drejt një zbritjeje të butë.

Në fund, e uli në tokë pa i shkaktuar asnjë dëm as mjetit, as vetes, e kjo u përshëndet menjëherë si provë e jashtëzakonshme aftësie, kthjelltësie të të menduarit dhe sigurie, nga profesorët e tij.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *