MREKULLI NË SHKODËR/ Vllaznia bën një kryevepër kundër boshnjakëve dhe tani sfidon AEL Limasolin në turin tjetër (VIDEO)








Mrekulli në Shkodër! Vllaznia bën përmbysjen e madhe ndaj Shiroki Brijeg, duke triumfuar me rezultatin 3-0 në “Loro Boriçi”! Një fitore e merituar e kuqebluve, që i dërgon në turin e dytë të Ligës së Konferencës, ku do të përballen me qipriotët e AEL Limasolit.

Vllaznia festa e golit

Adili tha që mrekullia është mes nesh dhe do t’i kalojmë boshnjakët edhe nëse marrin sërish arbitrin rus që na dëmtoi në ndeshjen e parë…

Dhe shkodranët e mbajtën fjalën. Fituan 3-0 kundër Shiroki Brijeg dhe kalojnë të turin e dytë të Ligës së Konferencës. Magji të tilla i dhuron vetëm Vllaznia, sepse për hir të së vërtetës, humbja 3-1 linte pak shpresa, aq më tepër që edhe trajnerin e tyre, gjeneralin e kësaj skuadre, Tomas Brdariç nuk e kishin në stol, pasi ishte i dënuar nga ndeshja e parë.

FT: VLLAZNIA-SHIROKI BRIJEG 3-0

Gjurgjeviç 46′, 78′ Imami 62′

KOMENTI LIVE: 

90′ Akordohen 4 minuta shtesë!

83′ Largohet edhe autori i 2 golave Gjurgjeviç, në vendin e tij Dilaver.

82′ Zëvendësim te Vllaznia, largohet Bulatoviç, në vendin e tij Fangaj.

78′ GOOOOL VLLAZNIA 3-0/ Aksion fantastik i shkodranëve, pas asistit të Çobës, Gjurgjeviç, godit saktë, duke shënuar golin e tretë! Festa e gjitha e shkodranëve! Përmbysje e çmendur! 

73′ I sapofutur në lojë, Latifi flirton me golin e tretë, pas një lëvizje me klas brenda zonës, ka provuar të shënojë, por pa sukses.

72′ Zëvendësim te Vllaznia, largohet nga fusha Ardit Hoxhaj, në vendin e tij Liridon Latifi.

70′ Minuta fantastike për shkodranët, që janë hedhur në sulm në kërkim të golit të tretë që do të sillte kualifikimin.

67′ Dy zëvendësime te Shiroki, largohen nga fusha Ikiç dhe Vujinoviç, në vend të tyre Kolega dhe Lukiç.

62′ GOOOOOL VLLAZNIA 2-0/ Çmenden në festë shkodranët! Eni Imami realizon golin e dytë! Devijim i saktë i mbrojtësit kryeqytetas, pas tentativës së Jonuzit. Imami ndëshkohet me karton të verdhë për shkak të heqjes së fanellës. 

52′ Vllaznia është hedhur përpara në kërkim të golit të dytë! Minuta mjaft të mira për shkodranët.

49′ Kaos në Shkodër. Tifozët festojnë me shpërthime fishekzjarrësh, arbitri suedez ndërpret për disa minuta ndeshjen!

46′ GOOOOOL VLLAZNIA 1-0/ Mjaftojnë vetëm 31 sekonda nga fillimi i pjesës së dytë. Gjurgjeviç gjen rrugën e rrjetës, pas asistit të Gurishtës!

Përfundon pjesa e parë! 

45+2′ Shpëtojnë për mrekulli shkodranët nga pësimi i golit, vendimtare ndërhyrja e portieri Zogoviç.

45′ Akordohen 3 minuta shtesë.

44′ Adili ndëshkohet me karton të verdhë për faull taktik.

43′ Mundësi e artë për Vllazninë, portieri Mishkiç bën 2 ndërhyrje vendimtare, duke i mohuar golin Krujës.

42′ Goditje dënimi për Vllazninë nga një pozicion tepër i favorshëm, por tentativa e mbrojtësit ishte e dobët dhe u ndal nga muri.

39′ Staniç është futbollisti i parë i ndëshkuar me karton të verdhë!

32′ Vllaznia provon të rrezikojë me Ardit Hoxhajn, por tentativa e sulmuesit vlonjat me kokë është ndalur nga portieri.

30′ Zëvendësim i detyruar te Vllaznia, largohet nga fusha Da Silva i dëmtuar, në vendin e tij talenti Çoba.

25′ Provon të rrezikojë skuadra e Shiroki me anë të Juril, por gjuajtja e tij fluturimthi brenda zonës, shkon jashtë kuadratit.

20′ Loja zhvendoset në mesfushë, futbollistët boshnjakë provojnë të ulin rritmin e ndeshjes për të menaxhuar avantazhin e ndeshjes së parë.

15′ Minuta të mira për Vllazninë që mbetet në zonën e Shiroki Brijeg. Gjithsesi mungojnë sulmet e rrezikshme në portën e boshnjakëve.

8′ Vllaznia mbetet përpara, duke ushtruar presion të vazhdueshëm në zonën e Shirokit. Shkodranët kërkojnë me ngulm golin e avantazhit.

3′ Start fantastik për Vllazninë, që e nisin në sulm. Provon Ardit Hoxhaj të realizojë me kokë, pas harkimit nga e majta, por pa sukses. Vendimtare ndërhyrja e portierit.

1′ Atmosferë elektiruzese në “Loro Boriçi”, shkodranët në kërkim të triumfit të madh.

FORMACIONET ZYRTARE

Vllaznia: Zogoviç, Gurishta, Adili, Imami, Bulatoviç, Kaleziç, Kruja, Da Silva, Jonuzi, Gjurgjeviç, Hoxhaj, Tranjer: E. Plori

Shiroki: Miskiç, Çuljak, Juriç, Obsivaç, Mediç, Begiç, Vukoja, Staniç, Juril, Vujinoviç, Ikiç, Trajner: T.Karaçiç

vllaznia

shrikoi

PANORAMASPORT.AL

© Panorama.al Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published. Required fields are marked *