Ndarja nga jeta e ish-Sekretarit amerikan të Shtetit/ Mesazh nga Basha: Kombi ynë gjeti përkrahje nga SHBA-të dhe njerëz të mëdhenj si Powell. Në momente përcaktuese…








Kreu i PD-së Lulzim Basha ka dhënë një mesazh ngushëllimi për ndarjen nga jeta të ish-Sekretarit amerikan të Shtetit Colin Powell, i cili ndërroi sot jetë si pasojë e Covid-19.

Powell

Kryedemokrati thekson se vendi ynë ka gjetur përkrahje nga SHBA-të dhe njerëz të mëdhenj si Powell, që në momente përcaktuese për Shqipërinë na kanë qëndruar pranë.

Nëse ndokush pyet se pse ne shqiptarët kemi marrëdhënie te veçanta me Shtetet e Bashkuara të Amerikës, përgjigjja janë personalitetet si Colin Powell. Në këtë botë të madhe, shpeshherë të pasigurt për fatet e shteteve, kombi ynë ka gjetur përkrahje nga ky vend i madh dhe nga njerëzit e mëdhenj si Colin Powell, që në momente përcaktuese për ne, na kanë qëndruar pranë, në sfida që pa ta, do të ishin të pakapërcyeshme.

Ndaj, në këtë ditë të trishtë të ndarjes nga jeta të gjeneralit, ish-Sekretar i Shtetit të SHBA-ve dhe kryetarit të Udhëheqësve Ushtarakë, Colin Powell, ne nderojmë me respekt dhe mirënjohje figurën e tij, duke i shprehur ngushëllimet familjes, miqve, bashkëpunëtorëve të tij dhe popullit amerikan. U prehtë në paqe!”, shprehet Basha në një mesazh në rrjetet sociale.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *