Ndërron jetë presidenti i parë i Ukrainës, Vitaly Klitschko: Ne do të ruajmë sovranitetin që morëm 30 vite më parë. Nuk do të tërhiqemi

Kryetari i bashkisë së Kievit, Vitaly Klitschko, ka bërë me dije se Presidenti i parë i shtetit modern të Ukrainës, Leonid Kravchuk, ka ndërruar jetë në moshën 88-vjeçare.

Në kanalin e tij Telegram, Klitschko tha se Kravchuk ishte një njeri që mishëronte “talent, karakter të fortë dhe njohuri”.

Kravchuk, i cili ishte më parë kryetar i Rada – ose parlamenti – dhe i Sovjetit Suprem të SSR të Ukrainës gjatë ditëve të fundit të Bashkimit Sovjetik. Ai u bë president në dhjetor 1991 dhe qëndroi në detyrë deri në korrik 1994.

Një fushatë e dytë për të qenë president përfundoi me një humbje zgjedhore ndaj ish-kryeministrit të tij, Leonid Kuchma.

Ndër vendimet e tij më të rëndësishme ishte nënshkrimi i Protokollit të Lisbonës në vitin 1992, duke u zotuar se do të heqë dorë nga arsenali bërthamor që i la Ukrainës pas rënies së Bashkimit Sovjetik.

Në postimin e tij, Klitschko tha se trashëgimia e Kravchuk ishte veçanërisht e rëndësishme në një kohë kur Ukraina po lufton Rusinë.

“Ne do të ruajmë sovranitetin dhe vullnetin që kemi marrë më shumë se 30 vjet më parë. Ne nuk do të tërhiqemi”, shkroi Klitschko.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *