Ndeshja Butrinti–Memaliaj, zbardhet arsyeja e sherrit midis futbollistit dhe trajnerëve. 21-vjeçari përfundoi në spital

Një futbollist 21-vjeçar i ekipit të Butrintit është dhunuar fizikisht nga trajnerët e tij. Ngjarja sipas burimeve të Balkanweb ka ndodhur të enjten pas ndeshjes Butrinti–Memaliaj.

Mësohet se futbollisti Albi Selimaj, pjesë e ekipit nuk ishte angazhuar në këtë ndeshje nga trajnerët e tij dhe kjo është bërë shkak që ai i ka kërkuar llogari Neritan Novit.

Pas kësaj, ka nisur sherri mes tyre, ndërsa futbollisti është goditur me grushte duke përfunduar në spital. I gjithë sherri është regjistruar në dhomat e zhveshjes.

Sqarimi i policisë:

Specialistët për Hetimin e Krimeve të Komisariatit të Policisë Sarandë, pas marrjes së njoftimit se një futbollist ishte goditur me grushte, gjatë një ndeshjeje, menjëherë kanë nisur punën për zbardhjen e plotë të kësaj ngjarjeje. Nga veprimet hetimore ka rezultuar se shtetasi A. S., 21 vjeç (futbollist) ishte goditur me grushte, gjatë një ndeshjeje futbolli, nga 2 trajnerët e ekipit të futbollit në të cilin ai ishte pjesë. Aktualisht 21-vjeçari ndodhet në spitalin e Sarandës, në kujdesin e mjekëve.  Në përfundim të veprimeve për këtë rast u bë ndalimi i shtetasve N. N., 52 vjeç (trajner i parë) dhe Dh. M., 45 vjeç (trajner altlet), për veprën penale “Goditja e sportistit, trajnerit, arbitrit ose ndërmjetësit sportiv”, kryer në bashkëpunim.  Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

Neritan Novi
Neritan Novi
Diogjen Muca
Diogjen Muca
Albi Selimaj
Albi Selimaj
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts