Ndodh edhe kështu, Gjimshiti gjobitet për miqësoren me Juventusin










Mund të jetë ndeshje miqësore, por në Itali e marrin shumë seriozisht atë që ndodh në fushën e lojës, e aq më tepër kur bëhet fjalë për mënyrën se si lojtarët sillen ndaj gjyqtarit. Nga sjellje që janë cilësuar të papërshtatshme e ka pësuar sot Berat Gjimshiti, i cili është gjobitur për sfidën miqësore mes Atalantës dhe Juventusit që u zhvillua pak ditë më parë.

gjimshiti gjyqtari

Në miqësoren e mbyllur me shifrat 3-1 për Juventusin, bluzinjtë u ankuan shpesh për gjykimin e kryesorit Rosario Abiso. Protesta për të cilat Gjimshiti me sa duket e kaloi cakun e kështu u ndëshkua me karton të verdhë në minutën e 57 të sfidës. Por jo vetëm kaq, çështja ka shkuar në komisionet disiplinore të Federatës Italiane, të cilat kanë vendosur një gjobë prej 2 mijë eurosh për futbollistin shqiptar për “protesta kundër zyrtarëve të ndeshjeve”.

Më keq e ka pësuar trajneri i tij, Xhampiero Gasperini. Ky i fundit u ndëshkua me karton të kuq në atë sfidë, ndërsa sot, ka marrë edhe një gjobë shoqëruese prej 10 mijë eurosh për protestat duke hyrë në fushë kundër gjyqtarit.

PANORAMASPORT.AL

© Panorama.al





Te lidhura

Burimi informacionit @Panorama.al: Lexo me shume: botasot.al

Spread the love

Similar Posts

Leave a Reply

Your email address will not be published. Required fields are marked *