Në ditën e dasmës humbet 18 anëtarë të familjes. Pse ky vend ka numrin më të lartë të viktimave nga rrufetë

Në ditën kur mendoi se do të festonte dasmën e tij, Mamun varrosi 16 nga të afërmit e tij. Ata ishin vrarë nga rrufeja rrugës për në ceremoni.

Të veshur me saritë dhe kostumet e tyre më të bukura, anëtarët e familjes së tij hipën në një varkë për t’u bashkuar me Mamunin, kur erdhi një stuhi e fortë. Ndërsa shiu binte, varka u tërhoq dhe ata u strehuan nën një kasolle prej kallaji në bregun e lumit, kur u goditën nga rrëfeja.

Bangladeshi, i cili është goditur nga moti ekstrem dhe stuhitë e forta, pëson mesatarisht 300 vdekje nga rrufeja çdo vit, sipas OKB-së. Kjo krahasohet me më pak se 20 në vit në Shtetet e Bashkuara, e cila ka pothuajse dyfishin e popullsisë.

Është një barrë e rëndë për kombin e Azisë Jugore, dhe për shumë njerëz si Mamun, i cili po flet për herë të parë për atë që ndodhi në ditë në gusht 2021. 21-vjeçari po bëhej gati në shtëpinë e vjehrrit të tij në zonën Shibganj në veri-perëndim të vendit, kur dëgjoi zhurmat e bubullimës, pak minuta para se të merrte lajmin tronditës. Ai nxitoi drejt familjes së tij, ku u përball me një skenë kaosi dhe konfuzioni.

“Disa njerëz po përqafonin trupat,” kujton Mamun, “të plagosurit bërtisnin nga dhimbja… fëmijët po bërtisnin. Isha i hutuar. As që mund të vendosja se te kush të shkoja i pari”.

Mamuni humbi babanë, gjyshërit, kushërinjtë, xhaxhallarët dhe hallat. Nëna e tij nuk ishte në varkë dhe i mbijetoi goditjes së rrufesë. “Kur gjeta trupin e pajetë të babait, thjesht shpërtheva në lot. Isha aq i tronditur sa u sëmura,” thotë Mamun, cituar nga BBC.

 132122068 263aeaa1 Fd7a 4d18 Bc24 121e1db462d2.jpg
132122068 263aeaa1 Fd7a 4d18 Bc24 121e1db462d2.jpg

Më vonë atë mbrëmje, u zhvilluan funeralet e të afërmve të tij – në vend të kësaj ushqimi i  dasmës, iu shpërnda të pastrehëve. Mamun më vonë u martua, por thotë se nuk e feston përvjetorin e martesës pasi kjo shkakton kujtime të dhimbshme. “Pas incidentit tragjik, tani kam shumë frikë nga shiu dhe bubullima”. Rrufeja është një vrasës i madh në Bangladesh, duke marrë më shumë jetë çdo vit sesa përmbytjet.

Numri i vdekjeve të raportuara për shkak të rrufesë është rritur gjithashtu me shpejtësi, nga vetëm dhjetëra në vit në vitet 1990. NASA, OKB dhe qeveria e Bangladeshit përmendin stuhitë e shtuara për shkak të ndryshimeve klimatike si arsye për rritjen e sulmeve vdekjeprurëse.

“Ngrohja globale, ndryshimet mjedisore, modelet e jetesës janë të gjithë faktorë për rritjen e numrit të vdekjeve për shkak të rrufesë”, tha për BBC Md Mijanur Rahman, drejtori i përgjithshëm i divizionit të menaxhimit të fatkeqësive në Bangladesh. Është i tillë serioziteti, saqë qeveria i ka shtuar edhe vetëtimat në listën zyrtare të fatkeqësive natyrore me të cilat përballet vendi, ku përfshihen përmbytjet, ciklonet, tërmetet dhe thatësirat. Shumica e viktimave të rrufesë janë fermerë, të cilët janë të prekshëm ndaj elementeve pasi punojnë në arat gjatë muajve me shi në pranverë dhe verë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts