“Nëse PD do vinte në pushtet, SHBA nuk do…”, Lubonja për shpalljen ‘non-grata’ të Berishës: Duan të ndryshojnë fokusin nga problemet e vendit, ja çfarë i mungon politikës










fatoslubonja-saliberisha

Analisti Fatos Lubonja thotë se fokusi që i është dhënë shpalljes “non-grata” të ish-kryeministrit Sali Berisha, ka larguar vëmendjen nga problemet reale që ka Shqipëria, siç janë pandemia, zjarret apo krimi i organizuar.

Në një intervistë për News24, Lubonja ka komentuar deklaratën e ish-kryeministrit një ditë më parë ku tha se nuk e ndalon asgjë që të hyjë në Parlament. Sipas analistit, prej vitit 1991, në PD dhe në Shqipëri mungon një debat për të përcaktuar përgjegjësitë e politikës, duke sjellë në vëmendje disa prej problemeve ndër vite.

“Është shmangie nga problemet që ka Shqipëria ky debat. Duke filluar nga gjërat që po qeveriset vendi, zjarri, pandemia, krimi i organizuar etj. Këto duhet të ishin gjërat që duhet të merreshim, e jo Kim e Berisha, janë kategori që na nxjerrin nga realiteti ynë. Dëgjova me vëmendje konferencën e Berishës dhe mendoj se duhet të ndajmë dy gjëra ne si shqiptarë e që politika do të na i bashkojë, por cilat janë këto? Njëra gjë është debati i munguar në PD dhe në Shqipëri, mbi përgjegjësitë që ka politika, qysh nga ’91 e këndej, ku padyshim, Berisha është nga protagonistët kryesorë.

Mbyllja e syve ndaj një ekonomie siç ishin piramidat financiare dhe disa metoda autoritare të qeverisjes gjithnjë në sistemin e vjetër i kanë hapur rrugën një keqqeverisje. Ky është debati politik që mungon në Shqipëri, e meqë ka munguar jemi në këtë gjendje. PS është pasuese e denjë e të njëjtës mënyrë të bërit politikë. Pjesa tjetër më pa, është që kjo ndjejë që kanë shqiptarët ndaj Berishës, instrumentalizohet dhe në vend që shqiptarët të jenë pjesë të këtij debati, gjendet Berisha dhe me ndihmën e amerikanëve krijohet iluzioni që ikën Berisha dhe shpëtohet Shqipëri. Akuzojnë se politika, politikanët nuk janë ato primare, por ekonomia dhe politika sekondare e varur dhe politikanët, akuzohen si menaxherë të bizneseve e me radhë.

Ky kthim i politikanëve në menaxherë është mjaft e njohur. E patë Vuçiç se çfarë akuzash i kanë dalë, i lidhur me mafian. Kjo ka bërë që të humbasin besimin, sepse ky prapë mbështetet, për arsye gjeopolitike dhe ekonomike. Unë e shikoj humbjen e krebitiliteteti dhe padyshim që Yuri Kim do e vendosë në dyshim. A flasim për korrupsion që ka bërë Berisha për grabitjen e tokave të pronarëve të ligjshëm në Jug të vendit. I gjithë bregdeti po grabitet. Lufton Berishën apo grabitjen e shqiptarëve. Ne flasim për drejtësi të paanshëm, e nuk ke si të kesh garanci, këto (amerikanët) i tejkalojnë kufijtë” – tha Lubonja.

Duke folur për deklaratën e ish-Presidentit Topi se do të krijohet një opozitë e re në shtator, Lubonja tha se ky është pikërisht qëllimi i Ramës.

Sipas tij, nëse PD do fitonte zgjedhjet e 25 prillit, SHBA nuk do e shpallte non-grata Berishën.

“Qëllimi i Ramës është të zhbëj opozitën fare, që të mos ketë më reagime, denoncime. Po te kishte fituar PD, a do e kishin shpallur non grata Berishën? Nuk e besoj. Pse? Sepse s’ia do politika. Këtu është konflikti i madh i interesit” – tha Lubonja.

Heshtja e Lulzim Bashës në mesin e gjithë kësaj turbullire politike, Lubonja e konsideron si dobësi.

“Heshtja e tij është që është politikan i pafuqishëm. Këto janë probleme, janë të Berishës. Basha është pak a shumë figurë që s’kishte fuqinë t’i thoshte që e mora unë dhe do të bëj politikat e mia. Më mirë pa opozitë fare se sa kështu. Shqiptarët s’bëjnë dot opozitë të re, e është sistemi që s’i lë, sepse janë të kapur të gjithë. Shqiptarët mezi presin diçka të re, por është një sistem që i ka kapur, e janë të trembur. Në vitet ’97 Partia Socialiste ishte ajo e punës dhe për të kundërbalancuar Sali Berishën që po bëhej autoritar i ri, luajti një rol pozitiv, edhe pse kishte atë të kaluar të zezë. Kjo është politika, arti i të pa mundshmes, kjo është politika” – u shpreh Lubonja.

© Panorama.al Burimi informacionit @Panorama.al: Lexo me shume: www.botasot.al

Spread the love

Similar Posts

Leave a Reply

Your email address will not be published. Required fields are marked *