Ngjarje tragjike në Tunizi, 41 të vdekur nga mbytja e barkës me emigrantë

Janë gjetur trupat e pajetë të 41 emigrantëve të parregullt, një prej të cilëve ishte një fëmijë, pasi barka me të cilën po udhëtonin drejt Italisë u fundos pranë vendndodhjes Sidi Mansour të qytetit Sfaks në Tunizinë Jugore, transmeton Anadolu Agency (AA).

Në një deklaratë të bërë dje nga Komisioneri i Lartë i Kombeve të Bashkuara (OKB) për Refugjatët (UNHCR) dhe Organizata Ndërkombëtare për Migracionin (IOM), thuhet se trupat e pajetë të 41 personave u gjetën në barkën që u mbyt dy net më parë pranë vendndodhjes Sidi Mansour.

Tre persona janë shpëtuar pas përpjekjeve të kërkimit dhe shpëtimit të kryera dje nga ekipet e Rojës Bregdetare Kombëtare të Tunizisë. Siç raportohet, të gjithë emigrantët që humbën jetën në aksident ishin nga Afrika Sub-Sahariane.

Këtë vit, rreth 290 persona kanë humbur jetën në Mesdheun Qendror, thanë organizatat e OKB-së, duke theksuar nevojën e rritjes dhe zgjerimit të operacioneve të kërkim-shpëtimit nga shtetet. UNHCR dhe IOM po ashtu thanë se është prioritet solidarizimi dhe mbështetja ndaj autoriteteve kombëtare në luftën kundër kontrabandimit të emigrantëve.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *