Njoftoi George Bush për sulmet e 11 shtatorit/ Andrew Card bën rrëfimin e rrallë: Ishte lajmi që e bëri president, nuk shfaqi aspak frikë dhe vazhdoi t’u lexonte librin fëmijëve

Në një rrëfim të rrallë në 20-vjetorin e sulmit terrorist në SHBA, Andrew Card njeriu që kishte përgjegjësinë për t’i dhënë ish-presidentit Bush lajmin, tregon se për përgjegjësinë e madhe që kishte.

Më 11 shtator 2001, Andrew Card i tha ish-presidentit amerikan, George W. Bush se atë ditë kishte ndodhur një sulm terrorist që do të ndryshonte botën.

Card ishte shefi i zyrës së Bushit dhe kishte përgjegjësinë t’ia komunikonte lajmin se çfarë po ndodhte. Ai e bëri këtë në një kohë kur presidenti po vizitonte një shkollë fillore në Florida.

Atëherë Bush ishte ulur në klasë duke lexuar një libër për fëmijët.

“Mendova për atë që do të thosha, dhe pastaj hapa derën, iu afrova presidentit dhe i pëshpërita në veshin e djathtë, ‘Një aeroplan tjetër goditi një kullë tjetër. Amerika është duke u sulmuar’. Unë shikova presidentin dhe sinqerisht mendoj se ai në ato momente po mendonte për barrën që mori përsipër duke bërë betimin presidencial. Unë do të thoja se ishte momenti kur ai u bë president”, tha ai.

Bush vazhdoi të lexonte librin dhe Cardit i bëri përshtypje se presidenti nuk kishte bërë asgjë që mund të shkaktonte frikë tek studentët.

“Ai nuk shfaqi frikë as para mediave, e cila do të të kënaqte terroristët në të gjithë botën”, shtoi ai. Card beson se SHBA ka harruar atë që mësoi nga ky sulm.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *