Nokia të shkurtojë deri në 10,000 vende punë në të gjithë botën

12:35 16/03/2021

Gjigandi finlandez i telekomunikacionit Nokia, thotë se po planifikon të shkurtojë deri në 10,000 vende punë, ose mbi 10% të stafit të saj, për të ulur kostot ndërsa investon në kërkim dhe zhvillim dhe përpiqet të çimentojë rolin e saj si një furnizues kryesor i 5G teknologji, sipas “The Associated Press”.

Ristrukturimi do të thotë se numri i stafit pritet të bjerë në 80,000-85,000 punonjës për një periudhë deri në dy vjet, tha kompania e Nokias të martën. Kompania duhet të zvogëlojë kostot me 600 milion (715 milion $) deri në 2023.

Kompania finlandeze nuk specifikoi vendet ose zonat gjeografike ku do ndodhin këto shkurtime, por tha se ato do të kryheshin në katër njësitë e saj kryesore të biznesit.

“Vendimet që mund të kenë një ndikim të mundshëm tek punonjësit tanë nuk merren kurrë lehtë. Siguria se kemi konfigurimin dhe aftësitë e duhura është një hap i domosdoshëm për të dhënë një performancë të qëndrueshme afatgjatë”, tha CEO i Nokias, Pekka Lundmark në një deklaratë.

Përveç rritjes së investimeve në 5G, gjenerata e re e teknologjisë ku Nokia konkurron me Huawei të Kinës dhe Ericsson të Suedisë dhe së fundmi edhe me Samsung të Koresë së Jugut, do të investojë gjithashtu në infrastrukturën cloud dhe dixhitale.

Lundmark, një ish-ekzekutiv i kompanisë në vitet 1990, ka thënë se ai synon ta bëjë Nokian udhëheqësin në 5G. Në një periudhë prej gjashtë muajsh ai ka riparuar strategjinë dhe organizimin e kompanisë. /tvklan.al









“”Burimi informacionit @TvKlan: Lexo me shume ne : www.botasot.al “”

Spread the love

Similar Posts

Leave a Reply

Your email address will not be published. Required fields are marked *