Norvegji, një i vdekur dhe pesë të plagosur pas rrëzimit të helikopterit

norvegji nje i vdekur dhe pese te plagosur pas rrezimit te helikopterit
norvegji nje i vdekur dhe pese te plagosur pas rrezimit te helikopterit

Një person humbi jetën dhe pesë u plagosën kur një helikopter u rrëzua në oqean pranë Norvegjisë perëndimore, tha sot policia, duke pezulluar përkohësisht transportin drejt platformave të naftës dhe gazit në det të hapur.

Helikopteri Sikorsky S-92 i Bristow Norway po kryente një operacion kërkim-shpëtimi dje kur ndodhi përplasja, thanë zyrtarët.

Gjashtë anëtarët e ekuipazhit u shpëtuan nga ekipet e shpëtimit, por njëri prej tyre u shpall i vdekur në spital, tha policia në një deklaratë.

Një nga të mbijetuarit ka qenë sot në gjendje kritike për jetën dhe një është plagosur rëndë ndërsa tre të tjerët kanë pësuar lëndime të lehta, thuhet në një postim në platformën X nga spitali ku po trajtohen.

Nuk dihet ende shkaku i aksidentit.

“Ne kemi dërguar hetues të aksidenteve në Stavanger dhe Bergen për të hetuar aksidentin,” tha për Reuters William Berthausen nga Autoriteti Norvegjez i Hetimit të Sigurisë. Të dy qytetet janë qendrat kryesore për industrinë e madhe norvegjeze të naftës dhe gazit.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : bota sot www.botasot.al

Spread the love

Similar Posts