Nuk iu bindën urdhrit të policisë për të ndaluar, telashe për dy të rinjtë

Dy të rinj do të procedohen penalisht, pasi akuzohen se janë larguar duke mos iu bindur urdhrit të punonjësve të Policisë, për ndalim.

Bëhet fjalë për shtetasin me inicialet A. D., 36 vjeç dhe E. A., 34 vjeç, të dy banues në Tiranë. Më pas ata janë ndaluar nga shërbimet e Policisë Kufitare Gjirokastër.

“Po nga specialistët për Hetimin e Krimeve të Komisariatit të Policisë Sarandë u referuan materialet në Prokurori dhe nisi procedimi në gjendje të lirë për shtetasin A. Z., 42 vjeç, pasi për motive të dobëta, ka goditur me sende të forta shtetasin F. Z., 33 vjeç, banues në Ksamil.

Nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe u bë shpallja në kërkim e shtetases K. K., 21 vjeçe, pasi ka bërë kallëzim bashkëshorti i saj se prej ditës së djeshme, kjo shtetase është larguar nga banesa dhe ka humbur kontaktet me të. Punohet për gjetjen e saj.
Specialistët e Qarkullimit Rrugor të DVP Vlorë arrestuan në flagrancë shtetasit: -D. S., 53 vjeç, banues në Vlorë, pasi në lagjen “Uji i Ftohtë”, duke drejtuar automjetin në gjendje të dehur, ka humbur kontrollin mbi drejtimin e mjetit dhe si pasojë automjeti është përplasur me sinjalistikën rrugore;
-J. A., 61 vjeç, banues në Vlorë, pasi lagjen “Pavarësia”, duke drejtuar automjetin, ka aksidentuar shtetasin A. Xh., 73 vjeç, që lëvizte me biçikletë. 73-vjeçari po merr mjekim në spital.
Materialet iu referuan Prokurorisë, për veprime të mëtejshme.”, thuhet në njoftimin e policisë.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb


Burimi informacionit @BalkanWeb: Lexo me shume ne :bota sot www.botasot.al

Spread the love

Similar Posts