“Nuk kishte kryengritje shoqërore”/ Thellohet zemërimi i protestuesve në Kubë, qeveria bën fajtor SHBA

Qeveria komuniste e Kubës dhe mediat vendase po pretendojnë se protestat anti-qeveritare që përfshinë ishullin të dielën ishin “organizuar dhe financuar” nga Shtetet e Bashkuara, dhe nxitur nga një fushatë komunikimi te koordinuar në mediat sociale .

“Nuk kishte kryengritje shoqërore”, u citua nga Ministri i Jashtëm Bruno Rodríguez nga e përditshmja e Partisë Komuniste Granma.

“Kishte trazira, çrregullime, të shkaktuara nga një operacion komunikimi që është përgatitur për disa kohë, për të cilin janë destinuar burime shumë milionëshe: laboratorë, platforma teknologjike mbështetur me fonde të qeverisë së Shteteve të Bashkuara.”

Sidoqoftë, monitorimi i faqeve të mediave shtetërore para protestave tregon se kubanët kishin shprehur zhgënjim të thellë, dëshpërim dhe zemërim në internet shumë kohë para se të dilnin në rrugë me mijëra për t’u ankuar për mungesat e ushqimit dhe ilaçeve, ndërprerjet e energjisë dhe ujit dhe një reagimi i lëkundur i qeverisë ndaj çështjeve të Covid-19.

Në fakt, ata i kishin shfryrë këto ndjenja pikërisht në faqet zyrtare në internet në Kubë, veçanërisht në seksionin e komenteve të lexuesve të faqes së lajmeve qeveritare Cubadebate.

Ndërsa rastet dhe vdekjet e Covid-19 të njoftuara nga autoritetet shëndetësore u rritën së fundmi, Kubanët postuan qindra komente në këtë faqe, me disa që kritikuan hapur autoritetet shëndetësore dhe qeverinë. Disa lexues gjithashtu kritikuan autoritetet për kushtet e jetesës, duke u ankuar për gjithçka, nga ndërprerjet e energjisë deri te vështirësitë për të marrë ushqim, me qytetarët që shpesh u duhej të vinin në radhë për orë të tëra në dyqanet e shtetit për të marrë furnizime.

(BalkanWeb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *