Nuk mjaftojnë dy, Rusia nis të japë doza përforcuese të vaksinës Sputnik

Autoritetet shëndetësore në Rusi nisën të japin doza përforcuese të vaksinave kundër koronavirusit.

Kryebashkiaku i Moskës, Sergei Sobyanin, tha të enjten se ka marrë dozën përforcuese dhe u bëri thirrje banorëve të qytetit që të ndjekin shembullin e tij.

“Në funksion të situatës së vështirë epidemiologjike, mjekët rekomandojnë marrjen e dozave përforcuese gjashtë muaj pas vaksinimit”, tha Sobyanin.

“Unë ju lus që të mos e humbni shansin për mbrojtje shtesë nga virusi”, shtoi ai.

Autoritetet në Moskë nisën të ofrojnë të enjten doza përforcuese për vaksinat vendore: Sputnik V, që rregullisht jepet me dy doza, dhe Sputnik Light, që jepet me një dozë.

Rusia është duke u përballur me një valë të rëndë të koronavirusit.

Autoritetet atje raportuan të enjten për 23,543 raste të reja në 24 orë dhe për 672 viktima.

Ky numër i viktimave është më i larti brenda një dite në Rusi, që nga fillimi i pandemisë, pranverën e vitit të kaluar.

Rusia ka qenë vendi i parë në botë që ka njoftuar se ka miratuar vaksinën e parë kundër koronavirusit, por, pavarësisht kësaj, ajo ka një nga normat më të dobëta të vaksinimit në botë.

Kremlini ka pranuar se qëllimi kombëtar për vaksinimin e 60 për qind të popullsisë mund të mos përmbushet.

/REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *