Nuk ndalen akuzat nga Serbia, Petkoviç: Kurti do të shkatërrojë paqen e stabilitetin në rajon

Drejtori i Zyrës për Kosovën në Qeverinë e Serbisë, Petar Petkoviq, tha se kryeministri i Kosovës, Albin Kurti, po angazhohet për destabilizim të situatës në Kosovë.

Serbët në veri në Kosovës, për të tretën ditë me radhë, janë duke bllokuar vendkalimet kufitare në Jarinjë dhe Bërnjak, për shkak të vendimit të Qeverisë së Kosovës, që të gjithë pronarët e makinave me targa serbe, të kenë targa të përkohshme gjatë vozitjes në Kosovë.

Petkoviq tha se Kurti, me veprimet e tij, “dëshiron të shkatërrojë paqen dhe stabilitetin në rajon”.

“Si planifikon të negociojë Kurti kur te njerëz duarthatë shkon me automjete të blinduara, snajperistë dhe gaz lotsjellës?” thuhet në deklaratën që ka lëshuar zyra e Petkoviqit.

Sipas deklaratës, kompromisi mund të arrihet me bisedime, por “jo me politikë të dhunshme dhe agresive të Prishtinës”.

Në deklaratë po ashtu thuhet se protestat e serbëve në Jarinjë dhe Bërnjak, “nuk janë veprim i njëanshëm, por reagim ndaj veprimeve të paligjshme të Prishtinës, e cila që 3.077 ditë shkel hapur Marrëveshjen e Brukselit, dhe tani do që ta ndalojë jetën në veri”.

Kurti ka thënë të mërkurën se Prishtina dhe Beogradi duhet t’i heqin plotësisht targat e përkohshme për të zgjidhur situatën e krijuar.

Ai po ashtu ka kërkuar nga kryetarët e katër komunave në veri – Mitrovicës së Veriut, Zveçanit, Leposaviqit dhe Zubin Potokut”, që t’i heqin kamionët që kanë bllokuar vendkalimet kufitare në Jarinjë dhe Bërnjak.

Në vendkalimet kufitare ku zbatohet vendimi i Qeverisë së Kosovës për targat serbe, është vendosur edhe Njësia Speciale e Policisë së Kosovës.

Vendimi për targat ka nisur së zbatuari nga Qeveria e Kosovës më 20 shtator.

/REL

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb

Burimi informacionit @BalkanWeb: Lexo me shume ne : www.botasot.al

Spread the love

Similar Posts

Leave a Reply

Your email address will not be published. Required fields are marked *